NIVUZO 7
Txini Yattagile Ologa Bibilia Mwaha wa Masaka Abano?
“Nlogo ninele owana na nlogo nina, omwene na omwene mwina . . . dhotedhene esi,dhinoniha wi omaromo wa goyi.”
“Anele woneya anamavuhulela enjene ottambi, anapupurutxe attu awinjiva; sabwa ya winjiva wa obure, okwela wa enjiyá onele wobana.”
“Mugewa miselu dhinloga dha koddo mmimburoni dhottiyana-ttiyana, kamutxutxeye, enofuneya esodhá opadduwa, mbwenyi kahiyo ogoma wa elabo.”
“Onele okala ottekenyeya wa mattaka onddimuwa, vina mmimburoni dhottiyana-ttiyana munele okala orameya wa dhoja na viredda dhoraveya.
Vina attu anele wona dhowopiha na vizinddiyelo dhinddimuwa wirimu.”
“Vano muziwe wi masiku omariha anele odhana midhidhi dhorutxa vina dhowopiha. Attu anelege ovikwela anya, anelege okwela kobiri, anele okala anamagaya, anamavittukulela, anelege onveyiha Mulugu, kanawiwelelege amambali awa kanaziwege otamalela, kanaroromeleyege, kanakwelege akwawa, kanewananeyegena, anakale anamazivala, kanaziwege ovipimelela, anakale awali, anelege widda dhapama, anelege wasadduwela akwawa, anakale aliba ntidi, anele odhaleliwa ovittukulela, anelege okwela dhinazivela ottiya omukwela Mulugu, anele okala ninga animwebedha Mulugu, oku ahili dhawene.”
