NIVUZO 1
Mulugu Bani?
“Attu otene aziwe wi nyuwo, nzina nenyu ddi Yehova, ddi nyuwo bahi muli Namadhulu-dhulu velaboni yotene ya vati.”
Masalmo 83:18
“Ziwaní wi Yehova ddi Mulugu. Iyene ddinittanddile, vina iyo nili aye.”
Masalmo 100:3
“Miyo ddili Yehova. Ntti tti nzina naga; kaddininvaha mwina nttittimiho naga, nne webedhiwa waga kaddinavaha amulugu osemiwa.”
Izaiya 42:8
“Wotene ole onlobela, aromolaga nzina na Yehova, onele ovuneya.”
“Mwebaribari, nyumba ji nyumba emmagiwa na muttu, mbwenyi ottanddile dhilobo dhotedhene ddi Mulugu.”
“Kattukulelaní mento enyu odhulu vina kang’anani. Bani ottanddile dhilobo esi dhiliwo? Ddule onelega, oneddiha ninga eniriwana makuru a anyakoddo. Ddi iyene onkuwela dhotedhene na nzina naye-naye. Owodha waye kunddimuwa-wene, guru dhaye kadhimpimeya, kayiwo nne elobo modha ehinakula wittana waye.”
Izaiya 40:26
Enowodheya Weyo Vina Oziveliwana
MASUNZIHO A TTIMA A MBIBILIANI
Mulugu Ohikaana Nzina?
Mulugu ohikaana mazina menjene a nriho, ninga Namawodha-wodha, Muttanddi, vina Nabuya. Vidiyu eji enolagiha wi nzina na Mulugu ninofwanyeya mBibiliani dila dhowakwana 7,000.
