EKALELENI YAMAKAMAKA: Namasunziha wehu munddimuwa, Yehova, ononikuwelela masunzo a ttima enddimuwa vaddiddi. Iyene ononisunziha marhe a oruvihana egumi yehu vina okana ewodhelo ya ovisasanyedhela musogorho—yozivaya jawi masunziho aba kampitxeliwa elo! (Iza 11:6-9; 30:20, 21; Ovuh 22:17) Mmasunzoni aba a wirimu, Yehova ononiwaraliha wi nikane ewodhelo ya wawaddela attu akwihu muselu onvuna.—2Kor 3:5.

NINAKOSE DHAVI:

• Kana ekalelo ya okurumuwa murima vina ya wiwananeyana.—Masal 25:8, 9

• Tamela owaralihiwa ovanene, ninga motagiha ozuzumela mpaddi wanaskola onttomeliwaga weyo mmatugumanoni

• Kagana omukosela Mulugu mabasa.—Fil 3:13

• Kakosa guru wi okane merelo a orumelihiwana maswagiho annivaha Yehova.—Fil 3:8

KOONA VIDIYU DHORELA DHINAKELIHU MWARI MWA MASUNZIHO A MULUGU, OGAMALA WAKULE MAVUZO ABA:

• Dhorutxa gani dhipemberile namalaleya olagihiwe mvidiyuni odhowile o Eskola ya Anamalaleya a Omwene?

• Masunziho gani anvahiwa abale andowa Oskola ya Anamalaleya a Omwene?

• Abali a mmulogoni anakamihedha dhavi abale anttomeliwa mabasa mmulogoni mwawa, abuwene agomihile dhiskola dh’omwene?

• Ttaro gani dhinfuniwana abale ana efunelo ya odhowa Oskola wa Anamalaleya a Omwene? (kr-T 189)

• Maswagiho gani mena anfwanyeliwe otamela munikuruni mwa Yehova?