YEDDELO YA AKRISTU
Onavisasanyedhele Dhavi Muttupo wa Wubuwela Okwa wa Yezu?
Oromana yaka ejino ninela okana mudhidhi mwinjene wa ovisasanyedhela Muttupo wa Okwa wa Kristiu. Wubuwela Okwa wa Yezu ogaliganana malabo a Matugumano a Mabasa na Yeddelo Yehu ya Okristu, Matugmanoya kanakosiwe. Ogaliganana omamalelo wa sumana, diskursu na Nsuzona na Mwag’aneli kadhinakosiwe. Onela owodha opurelamo mwawakwana-mwene mudhidhi obu wenjedhedhiwevo? Ninga Akritu oroma, enofwanyela ovisasanyedha wi opurelemo mudhidhi obu wojedhiwetxa. (Lk 22:7-13; km 3/15 1) Wi nipurelemo ninofwanyela osasanyedha murima wehu na yubuwelo. Ninasasanye dhavi?
-
Otanalele ttima ya muttupo wa okwa wa Yezu.—1Kor 11:23-26
-
Olobele vina wang’ananihe omaro oniwe na Yehova.—1Kor 11:27-29; 2Kor 13:5
-
Wengese Malebo anloga sabwa ya ttima ya Muttupo wa Wubuwela Okwa wa Yezu.—Jo 3:16; 15:13
Anamalaleya ena anowengesa vina anotanalela Malebo Afwanyeya mu nivuruni na Malebo a Siku na Siku. Ena anengesa muddonddonddo wa mapadduwoya. Ena animusunza dila yanawili Mwag’aneli ona mitoma dhinloga sabwa ya Muttupo wa Okwa wa Yezu veli-veli onaga kuluwi okwela wonihile Yehova na Yezu. Masunzo masunzovi ankosihu akale masunzo ananiwodhihe omwaddamela Yehova vamodha na Mwanaye.