EKALELENI YAMAKAMAKA: Namasunza wa Bibilia agavisasanyedha n’ottaga, onononelamo momaguva dhinsunziye vina kandduwala masunzihoya. Namasunza aganonelagamo vina agobuwelaga momaguva dhinsunziye, pavenevo vanamaguveliye odhawa vasogorho. Namasunza akaane elemelelo ya ovisasanyedhela omatugumanoni vina mmabasani olaleya, masiki agamala obatiziwa; dhawene onokala ‘womala na wale.’ (Mt 25:13) Enofuneya iyo vina oziwa yeddelo ya namasunza wehu vina nihikanelege owara omusunziha wehu Bibilia, eji enela omukosiha ozuzumeletxa dh’egumi yaye. Oromana labo ninroma iyo omusunziha Bibilia, nimukokomezege namasunza ovisasanyedha n’ottaga nihinatti ofiya labo n’osunza.

NINAKOSE DHAVI:

• Osasanyedhege vina nivuru nawo. (Rom 2:21) Ogasasanyedhaga nsunzona, wang’ananihege mazuya na mweddelo wa namasunzaya. (km 15/11 3) Omulagihege yowakula ekweretiliwe

• Omwaddelege wi asasanyedhe nsunzo nindawo. Vowi nyuwo mumala wimetxa nsunzo, kudduwale omwaddela namasunza wi osasanyedha n’ottaga nsunzona, onokosa mpaddi wa omusunza waye Bibilia; vina omwaddele yopurelamoya. Omvahe malago anamuwodhihe okaana mudhidhi wa osasanyedha nsunzo naye. Ena, anotxinjaga nivuruna; namasunziha battukula na namasunza, namasunza battukula na namasunziha, apo anilela wi amonihe namasunza yopurelamoya. Omutamalele akala iyene onosasanyedha nsunzona n’ottaga

• Omulagihe mukalelo wosasanyedha. Anamasunziha ena agaromaga-wene nsunzo, kapitulu yoroma yotene animusunzihana namasunza mukalelo wosasanyedha masunzo anfwarela