29 ya Abrili–5 ya Mayu
MASALMO 34-35
Jibo 10 na Nlobelo | Dhowenjedhedha Dhoroma (mut. 1)
1. “Ddinfuna Ddimuttittimihe Yehova Mudhidhi Wotene”
(mit. 10)
Davidi wannimuttittimiha Yehova masiki vagumaniyena makattamiho (Masal 34:1; w07-T 1/3 22 ddima 11)
Davidi wannimuloga pama Yehova ottiya ovittittimiha mwinyene (Masal 34:2-4; w07-T 1/3 22 ddima 13)
Mukalelo wamuttittimiha Davidi Yehova wahalibiha alabeli akwaye (Masal 34:5; w07-T 1/3 23 ddima 15)
Mmalele Davidi ofuruliwa na Abimelek, alobwana owakwana 400 ana dhomusumelana Saul ahidha ovitaganyiha na Davidi. (1Sam 22:1, 2) Txino mudhidhi waleba Davidi kapitulu eji ya masalmo, wawubuwela alobwanene aba.—Masal 34.
KAVIVUZE, ‘Ddinamuttittimihe dhavi Yehova mmakanini aga mmatugumanoni anafarele?’
2. Mafumo Omuyani
(mit. 10)
-
Masal 35:19—Yokumbirha eji ya Davidi ya ohattiya amwiddani aye “opinyelana mento” yatapulela nni? (w06-T 15/5 20 ddima 1)
-
Mafumo gani a Mazu a Mulugu afwanyiliwe mwari mwa wengesa wa sumana ejino?
3. Wengesa wa Bibilia
(mit. 4) Masal 34:1-22 (th nsunzo 5)
4. Oroma Makani
(mit. 2) OVAHA ONAMOONA. Makaniya anogoma weyo ohinatti ovaha onamoona. (lmd nsunzo 1 pontu 4)
5. Wunuwihe Efunelo
(mit. 4) OVAHA ONAMOONA. (lmd nsunzo 2 pontu 4)
6. Otapulele Dhinrumeliwe
(mit. 5) Nlagiho. ijwfq-T 59—Mutoma: Anamoona a Yehova Angana Dhavi Akala Anele Ottabela Mattanga Mattangavi obe Akala Kanattabele? (th nsunzo 17)
Jibo 59
7. Mikalelo Miraru dha Omuttittimihana Yehova Mmatugumanoni
(mit. 15) Yoriganela.
Nikana mikalelo dhinji dha omuttittimihana Yehova mmatugumanoni. Ndoweni none mikalelo miraru.
Nilogaga makani: Ogalogaga na attu ena kaloga mwaha wa opama wa Yehova. (Masal 145:1, 7) Weyo ohiwa obe ohengesa elobo ewukamihedhile? Weyo ohikana yotagiha yapama mmabasani a olaleya? Okalawo muttu ologile obe okosile elobo ewupangarhazile? Weyo ohona yottanddiwa yotikiniha? Dhotedhene esi mivaho dha Yehova. (Tia 1:17) Kavilibihedhege ofiya mitala dhing’onovi matugumano ahinaroma wi okane mudhidhi wa ologa na ena.
Nigavahaga Dhowakula: Kavilibihedhe ovahaga yowakula ngafuna modha mmatugumanoni. (Masal 26:12) Enowodheya ovaha yowakula enakula kakamwe nivuzona, wenjedhedha yowakulaya obe olabihedha nlebo na mBibiliani, ologa mwaha wa mafoto obe mukalelo wa olabihedha dhowakuladha mwigumini mwehu. Kudduwale wi anele okalawo ena anavenyihe nlada mudhidhi onavenyihe weyo, nona enokala osasanyedha dhowakula dhinji dhottiyana. Akala ninovaha dhowakula dhehu mwari mwa asegundo 30 obe dhohifiya, ninele wavaha ena gari ya omperhekela Yehova “mukutho womuthithimihana.”—Aheb 13:15.
Nigebaga Jibo: Wibege mmatugumanoni na murima wawo wotene. (Masal 147:1) Txino weyo kunawodhe ovaha dhowakula mmatugumanoni, makamaka mmilogoni dhinddimuwa. Mbwenyi enowodheya wiba dila dhotene, masiki akala onubuwela wi kuniba deretu, kobuwela mukalelo onagalala Yehova agawuwonaga okosaga mpaka vanwodhela weyo! (2Kor 8:12) Enowodheya ovisasanyedha pama modhela ovishagiha nottaga vatakulu.
Karumiha VIDIYU Nipadduwo Nilebiwe na Yehova—Mvaho wa Jibo, Epaddi 1. Ogamala okose nivuzo ntti:
Iyo nilagihile dhavi oromana walene wila omwibela Yehova elobo yamakamaka?
