YEDDELO YA AKRISTU
Yehova Onowavuna Abale Ansuveya Murima
Iyo notene masaka mena ninokubanya. Okala wokubanya kintapulela wi kaninimuroromela Yehova. Yehova vina wankubanya masaka mena. (Wita 6:5, 6) Ki akala iyo ninkala okubanyavi mudhidhi wotene obe malabo otene?
Omulobele Yehova wi awukamihedhe. Yehova onozuzumela mukalelo oniviwamo iyo. Iyene onoziwa mudhidhi onkubanyihu vina onagalala iyo. Iyene onononelamo sabwaya enubuwelihu vina oniviwamo iyo na mukalelo-ene obu. (Masal 7:9b) Yamakamakaya jawi Yehova ononizuzumela, ononikamihedha owanana odhugudheya vina okubanya.—Masal 34:18.
Obarele mubuwelo wawo. Okubanya ononiyeleliha wagalala vina onopatta mandano ehu na Yehova. Sabwa ya ejuwene, nibarele murima wehu—eli nipara na okalawo wehu.—Gano 4:23.
KOONA VIDIYU ABALIHU ANWODHA DHAVI OTTABA NA MURENDDELE MASIKI NA ODHUGUDHEYA WA MUYUBUWELONI, OGAMALA WAKULE MAVUZO ANFWARELA:
-
Ttarho gani dhimukamihedhile Nikki owanana odhugudheya?
-
Txini emukamihedhile Nikki okumbirha nikamihedho na dotoro?—Mt 9:12
-
Txini emukamihedhile Nikki okuluvela nikamihedho na Yehova?
