YEDDELO YA AKRISTU

Wakamihedhe Attu Ahina Relijiau Omuziwa Muttanddi Wawa

Orumiha dhovuruwana obe Vidiyu dhisakuliwe na Elogeloya

Weyo onorabela walaleya attu ahina relijiau, wubuwelaga wi awene kanawuvuruwane? Akala onubuwela dhawene, oziwe wi attu enjene ahamuroromela Mulugu—otaganyiha na ateu—ahidha okala Anamoona a Yehova. Dila dhinjene attu aba anofuna nikamihedho ning’onovi wi apepese matibelo anoniha wi Mulugu ohikalawo.—Rom 1:20; 10:14.

KOONA VIDIYU KUDDUWALE—ENOWODHEYA ATTU AHINA NROROMELO OKANA NROROMELO!—ATTU AHINA RELIJIAU, OGAMALA WAKULE NIVUZO NINFWARELA:

Yotagiha ya Tommas ennisunziha nni mwaha wowalaleya attu ahina relijiau?

Yowakula yawo

Onakose dhavi ejene

Akala muttu onologa wi kanroromela okalawo wa Mulugu, kala wapama, woleleya, vina katonyihedha wi onotanala dhubuwelo vina eniwamo muttuya. (2Tim 2:24) Katanalela na iyene makani agaziveliwiye wiwa. Iyene onofuna ologa na weyo sabwa yattukuleli attu enjene orumela okalawo wa Muttanddi? Akala jijuwene, kalabihedha mapublikasau vina mavidiyu asasanyedhiwe makani aba. Mabrochura Será Que a Vida Teve Um Criador? vina A Origem da Vida—Cinco Perguntas Que Merecem Resposta ahikiwa Muttumbini Mwehu mwa Dhipano Dhosunzihana wi dhihirutxege ofwanya.

Vamaromo, weyo txino onodhaga orabela ologa makani a mBibiliani na muttu ohina relijiau. Onkoddelani omukumbirha nikamihedho namalaleya wa ttotto? Kudduwale, Yehova onowodha onikamihedha oddiginya murima wa attu otene anfuna wiwa ebaribari masiki—akala vamaromo kanrumela okalawo wa Mulugu.—Mer 13:48.

MABASA NA YEDDELO YEHU YA OKRISTU–NIVURU NA MABASA A MATUGUMANO