MABASA A WAKOSA ANAMAFWARA
NSUNZO 10
Kagana Wakosa Anamafwara
Gano: “Iyo ninowukwelani venjene, ofiyedha otamela owulevelani egumi yehu, kayiyo ouvahani muthakavi wa Mulugu. Txibarene nanukwelani-wene.”—1 Tes. 2:8.
Elobo Gani Ekosile Yezu?
1. Koona VIDIYU, obe wengese Joau 3:1, 2. Ogamala otanalele mavuzo aba:
-
Nikodemu odhowele nni omona Yezu na mattiyu?—Koona Joau 12:42, 43.
-
Yezu omulaleya Nikodemu na mattiyu, eji enoniha dhavi wi iyene wali womala-nawale wila àkose anamafwara?
Ejile Ekosile Yezu Ennisunziha Nni?
2. Ninolagiha okwela nigakala womala-nawale wi nakamihedhe attu okala anamafwara.
Omutagihe Yezu
3. Weddihe nsunzona mudhidhi vina mburo oninfwanyelela namasunzaya. Txino iyene onosakula mudhidhi, labona vina mburoya oninfwanyelela wi asunze. Mburo gani oninfwanyelela wi asunze, omabasani, vatakulu obe vattaddo? Egawodheya otxinje masasanyedho awo wi ewanane na masasanyedho a namasunzaya.
4. Kujombihege nsunzona. Akala onele ovenyavo kuttiye weddiya nsunzona. Otanalele:
-
Egahiwodheya weyo weddiha nsunzona labo nina mbwenyi sumana yakakene?
-
Egahiwodheya weyo weddiha nsunzona na telefoni obe vidiyu konferensia?
-
Egahiwodheya omukumbirha namalaleya mwina wi eddihe nsunzona?
5. Olobele wi okane monelo wofwanyelela. Omukumbire Yehova wi awukamihedhe ohittiya weddiha nsunzona masiki akala namasunzaya onojombiha nsunzona obe onogonela ovirihamo dhinsunziye. (Fil. 2:13) Txino namasunzawo onodhaga okana mikalelo dhinji dhapama; omulobelele Yehova wi awukamihedhe wang’ana mikalelo dhaye dhapama.
KOONA VINA
Gano 3:27; Mer. 20:35; 2 Kor. 12:15
