MAZU OROMANA MAKANI
NSUNZO 3
Oderetu
Gano: “Onkwela . . . onowakoddelela murima attu.”—1 Kor. 13:4.
Elobo Gani Ekosile Yezu
1. Koona VIDIYU, obe wengese Joau 9:1-7. Ogamala otanalele mavuzo aba:
-
Vamaromo elobo gani ekosile Yezu—oromile ononvulumutxa mulobwana ohinona obe oromile olaleya miselu dhapama?—Koona Joau 9:35-38.
-
Elobo gani enuttukulela wubuwela wi elogile Yezu emukamihedha mulobwana oddule, okana efunelo yaovuruwana miselu dhapama?
Ejile Ekosile Yezu Ennisunziha Nni?
2. Akala muttuya onozinddiyela wi ninomuzuzumela, onele okala womala-nawale wi avuruwane miselu dhehu.
Omutagihe Yezu
3. Otonyihedhe ntanalo. Katamela ovyika vamburoni va muttuya vina oviwemo ninga muniviwamo iyene.
-
Kavivuze: ‘Makattamiho gani angumaniyena? Mazu gani agaziveliwe iyene wiwa?’ Wubuwela dhawene enele wuttukulela omutonyihedha oderetu ninga munfuneliye.
-
Kalagiha wi onomuzuzumela muttuya modhela ovuruwana ejile enlogiye. Akala muttuya onouwaddela makattamiho angumaniyena vina ninga enviwiyemo, kutxinje makaniya.
4. Kaloga na oderetu vina nriho. Akala onomweddela ttagaraga muttu nanda okana efunelo ya omukamihedha, enele woneya na mulogelo wawo. Osakule deretu mazu anfuniwe ologa, ottiya ejo orabele ologa mazu agadhile omunyimula.
5. Kavaha nikamihedho. Onvahe nikamihedho ninfuniye. Na merelo apama enowodheya omuttukulela okana makani mena.
KOONA VINA
Rom. 12:15, 16; Gal. 6:10; Aheb. 13:16
