MAZU OROMANA MAKANI
NSUNZO 4
Ovyeviha
Gano: “Na ovyeviha onddimuwa awonegena akwaye thima enpitha yaye.”—Fil. 2:3.
Elobo Gani Ekosile Paulo
1. Koona VIDIYU, obe Wengese Merelo 26:2, 3. Ogamala otanalele mavuzo aba:
-
Paulo olagihile dhavi ovyeviha mudhidhi walogiye na mwene Agripa?
-
Paulo ovahile dhavi onamoona mwaha wa Yehova vina Malebo ottiya ovaha onamoona mwaha wa iyene? —Koona Merelo 26:22.
Ejile Ekosile Paulo Ennisunziha Nni?
2. Attu anorumela miselu dhehu nigalogaga novyeviha vina na nriho.
Omutagihe Paulo
3. Kaloga na nriho. Kukale ninga onziwetxa dhilobo dhotedhene wubuwelaga wi muttu mwina kaziwa elobwene. Kaloga na muttuya na nriho.
4. Kalagiha wi esile dhinsunziha weyo dhindela mBibiliani. Nzu na Mulugu nikana mazu anwodha oddiginya mmirima dha attu. Nigamulabihedha Bibilia, ninomukamihedha muttuya okana monelo wapama wa wunuwiha nroromelo naye.
5. Kakala wofwaseya. Kudidele monelo wawo ninga waderetuya. Efunelo yehu kahiyo yowana. Okale wovyeviha, wofwaseyene vina kazinddiyela mudhidhi wogomiha makaniya. (Gano 17:14; Tito 3:2) Weyo ogaloga noderetu, txino enowodheya okana makani apama dila yina.
