MAZU OROMANA MAKANI
NSUNZO 5
Ttotto
Gano: “Makani enyu akalege ozivela.”—Kol. 4:6.
Elobo Gani Ekosile Paulo
1. Koona VIDIYU, obe wengese Merelo 17:22, 23. Ogamala otanalele mavuzo aba:
-
Paulo wewilemo dhavi sabwa ya akadda Atena wawebedha amilugu ottambi?—Koona Merelo 17:16.
-
Ottiya wattonga akadda Atena, Paulo olabihedhile dhavi na ttotto dhilobo dharumelani wi alaleyele miselu dhapama?
Ejile Ekosile Paulo Ennisunziha Nni?
2. Attu anokana efunelo yonivuruwana, nigasakula pama mazu anfwanyelihu ologa, mukalelo onlogihu vina mudhidhiya.
Omutagihe Paulo
3. Osakule mazu awo na ttotto. Motagiha, ogalogaga na muttu ohili Mukristu, enofuneya otxinja vang’ono makani anloga mwaha wa Yezu vina mukalelo onamulabihedhe weyo Bibilia.
4. Kumaguvele omwaddela muttuya wi kakulile deretu. Kamuttiye wi avahe monelo waye. Akala iyene onologa elobo ehiniwanana na ensunziha Bibilia, ofwaseyele onvuruwana. (Tia. 1:19) Oganvuruwana, onele ononelamo monelo waye.—Gano 20:5.
5. Egawodheya orumele dhinlogiye vina omutamalele. Iyene ondaga orumela wi dhinlogiwe mwaha wa relijiau yawo s’ebaribari. Orome ologa elobo enrumela nyuwo moweli, ogamala omukamihedhe vang’ono-vang’ono ononelamo ensunziha Bibilia.
KOONA VINA
Gano 25:15; 2 Tim. 2:23-26; 1 Ped. 3:15
