WUNUWIHE EFUNELO
Jo. 7:3-5; 1 Kor. 15:3, 4, 7
NSUNZO 8
Ovilela
Gano: “Onkwela onovilela.”—1 Kor. 13:4.
Elobo Gani Ekosile Yezu
1. Koona VIDIYU, obe wengese Joau 7:3-5 vina 1 Korinto 15:3, 4, 7. Ogamala otanalele mavuzo aba:
Ejile Ekosile Yezu Ennisunziha Nni?
2. Ninofwanyela ovilela sabwani attu ena anogonela orumela miselu dhapama mottiyana na ena.
Omutagihe Yezu
3. Olabihedhe marhe ottiyana. Akala muttuya karumelile nsunzo na Bibilia omaromo-wene, kumudidele. Egawodheya, kamulagihe vidiyu obe mitoma dhina wi omukamihedhe ononelamo mukalelo onedda nsunzo na Bibilia vina anawodhe dhavi opurelamo.
4. Kumuladdanihe. Nili attu ottiyana. Akala mwanamudhi obe muttu onimuyeleliwe kanfuna orumela nsunzo na Bibilia obe ebaribari endela mBibiliani, katamela oziwa mwahaya. Muttuya onottiddelavi masunzo aye a relijiau yottambi? Onowanana makattamiho na anamudhi obe na anamwanddamani aye? Kanvahe mudhidhi wi atanalele ejile elogiliwe wila anonelemo ttima ya ensunziha Bibilia.
5. Kamulobelele muttuya onna efunelo. Kamukumbirhe Yehova wi awukamihedhe okana monelo wapama vina nriho. Kamukumbirhe Yehova zelu wi oziwe mudhidhi gani onfwanyeliwe ottiya omusunziha muttu onlagiha efunelo eng’onovi.—1 Kor. 9:26.
KOONA VINA
Mk. 4:26-28; 1 Kor. 3:5-9; 2 Ped. 3:9
