Skip to content

Skip to table of contents

Kaveda Mpu (opens new window)
Kapepesa JW.ORG

Malago

Malago

Wakela malago

Ekalele nni yofuneya otamela malago andhela mBibiliani?

Masal 32:8; Gano 15:22; 19:20; 20:18

Kang’ana vina Gano 11:14; Iza 28:29; Jer 32:19

Ekalele nni yapama ovuruwana malago, ottiya otamela ovibarela?

Gano 12:15; 29:1

Kang’ana vina Gano 1:​23-31; 15:31

  • Mapadduwo amakamaka a mBibiliani:

    • 1Sam 15:​3, 9-23—Mulageliwe mwene Saul na namavuhulela Samuwel, wahitamela ovibarela vina okodda malagoyá, nona Yehova wahimukodda

    • 2Map 25:​14-16, 27—Vaddawile Mwene Amaziya vina akodda malago a namavuhulela wa Yehova, wahittiya orumeliwa na Yehova vina wayelela nibarelo naye

Ninfwanyelela nni wariha anddimuwa a mmulogoni vina oriha malago awa?

1Tes 5:12; 1Tim 5:17; Aheb 13:​7, 17

  • Nipadduwo namakamaka na mBibiliani:

    • 3Jo 9, 10—Muluvali murumiwi Joau, omukona Diótrefe sabwani iyene kaweddiha na nriho abale asogorhela mulogo w’Okristu

Ekalele nni yapama wiwa malago anvaha attu ounuwelavo?

Onam 19:32; Gano 16:31

Kang’ana vina Job 12:12; 32:7; Tito 2:​3-5

  • Mapadduwo amakamaka a mBibiliani:

    • 1Sam 23:​16-18—Mwene Davidi wahilibihiwa na malago a Jónata, odduwene wanna vyaka 30 okwaranya iyene

    • 1Amwe 12:​1-17—Mwene Roboau wakodda malago apama avahiwiye na attu ounuwelavo, mbwenyi wahigana orumela malago abure avahiwiye na azombwe akwaye, ejoyá yahimutotela makattamiho menjene

Txini enlagiha wi ayana ororomeleya vina alabeli a Yehova ali azombwe anowodha ovaha malago ofwanyelela?

Job 32:​6, 9, 10; Gano 31:​1, 10, 26; Koh 4:13

Kang’ana vina Masal 119:100

  • Mapadduwo amakamaka a mBibiliani:

    • 1Sam 25:​14-35—Malago anvahile Abigaíl Mwene Davidi, ahavuna attu enjene vina amurabeliha Mwene Davidi okaana muladdu wa nikami

    • 2Sam 20:​15-22—Muyana wotxenjerha wa sidadi y’o Abel-Beet-Maaka, wahivuna sidadi yotene na malago avahiliye

    • 2Amwe 5:​1-14—Sabwa ya malago a mwana-muyana wa mukadda Izrayel, munyakoddo dhahi wa guru wahiziwa yafwanyeliye okosa wi avulumutxiwe eredda yaye ya maranya

Ninfwanyelela nni okala pasope na malago a abale ahinimuriha Yehova vina ahinriha Nzu naye?

Masal 1:1; Gano 4:14

Kang’ana vina Lk 6:39

  • Mapadduwo amakamaka a mBibiliani:

    • 1Map 10:​13, 14—Ottiya otamela malago a Yehova, Mwene Saul wamutamelile muyana wombeza makaga vina iyene ohikwa sabwa ya ohiroromeleya waye

    • 2Map 22:​2-5, 9—Mwene Akaziya watamelile anamalaga abure, nona ejo yahimuttukulela okwa

    • Job 21:​7, 14-16—Job wankodda opatteya na dhubuwelo dha abale ahamuriha Yehova

Ovaha malago

Nihinatti ovaha malago, ekalele nni yapama ofwaseyela ovuruwana, oziwa dhetene dhipadduwile vina wiwa dhipaddi dhobili?

Gano 18:​13, 17

Kang’ana vina Gano 25:8

  • Mapadduwo amakamaka a mBibiliani:

    • 1Sam 1:​9-16—Namakutta Munddimuwa Elí, obuwelaga ninga Ana wel’olezela wahinvaha malago na ekalelo yabure, s’oziwa dhotene dhampadduwela

    • Mt 16:​21-23—Murumiwi Pedro omusaddeya Yezu, vina ahiziwaga ohinvaha malago agakwanihedhile efunelo ya Satana, ottiya ya Yehova

Enfuneyela nni olobela nikumbiraga nikamihedho na Yehova, nihinatti ovaha malago?

Masal 32:8; 73:​23, 24; Gano 3:​5, 6

  • Mapadduwo amakamaka a mBibiliani:

    • Obud 3:​13-18—Namavuhulela Mizé ohinvuza Yehova mukalelo wapama ogakuliliye mavuzo agamukosile ana Izrayel

    • 1Amwe 3:​5-12—Ottiya ovikuluvela mwinyene, muzombwe Mwene Salomau wahimukumbirha Yehova zelu, sabwa ya ejuwene Yehova omururiha

Enfuneyela nni ovahaga malago vina dhowakula dhindhela mu Nzuni na Mulugu?

Masal 119:​24, 105; Gano 19:21; 2Tim 3:​16, 17

Kang’ana vina Olib 17:​18-20

  • Mapadduwo amakamaka a mBibiliani:

    • Mt 4:​1-11—Mwehiwe Yezu na Satana, iyene kakulile na eziwelo yaye, mbwenyi na Mazu a Mulugu

    • Jo 12:​49, 50—Yezu ohitapulelamo wi esile dhasunzihiye dhadhela mwa esile dhasunzihiwiye na Babe, eji yotagiha yapama mwa iyo

Nigavahaga malago enfuneyela nni ologa nokurumuwa, vina egawodheya omusiba muttuyá na murima wotene?

Gal 6:1; Kol 3:12

Kang’ana vina Iza 9:6; 42:​1-3; Mt 11:​28, 29

  • Mapadduwo amakamaka a mBibiliani:

    • 2Map 19:​2, 3—Amulabihedhaga namavuhulela dhahi, Yehova omusaddeya Mwene Jozafáti, vasogorhova omusiba sabwa ya dhilobo dhapama dhakosiliye

    • Ovuh 2:​1-4, 8, 9, 12-14, 18-20—Ahinatti ovaha malago milogo dhinjidhene, Yezu waroma osiba

Enodhaga opadduwa mbali odha ologa na iyo mwaha wa mbali mwina onimoniye ninga ohimputtula, txino mwaha wa omujela elobo yaye obe omuzivalela, ekalele nni yapama omukokomeza mbaliyá oroma odhowa ologa vawa-vene?

Mt 18:​15-17; Lk 17:3

Kang’ana vina Onam 19:17

Akala mbali onowona ninga opujiwe, ninawodhe dhavi omukokomeza olagiha ttagaraga, ovilela vina olevelela?

Mt 18:​21, 22; Mk 11:25; Lk 6:36; Ef 4:32; Kol 3:13

Kang’ana vina Mt 6:14; 1Kor 6:​1-8; 1Ped 3:​8, 9

  • Nipadduwo namakamaka na mBibiliani:

    • Mt 18:​23-35—Yezu ologa yoladdaniha yamakamaka wi atapulele ttima ya iyo okala anamalevelela

Nigavahaga malago, ekalele nni yofuneya ovaddela ejile eli yapama vamentoni va Yehova?

Masal 141:5; Gano 17:10; 2Kor 7:​8-11

  • Mapadduwo amakamaka a mBibiliani:

    • 1Sam 15:​23-29—Namavuhulela Samuwel kovile ologa na Mwene Saul

    • 1Amwe 22:​19-28—Masiki na otxutxiwa vina obure wereliwe namavuhulela Mikeya, iyene karumelile osaddula muselu wottonga wafuniye onvaha Mwene Akab

Ninawodhe dhavi onvaha muttu malago, s’omobaniha mpaddi w’omuyani?

Aheb 12:​11-13

  • Mapadduwo amakamaka a mBibiliani:

    • Lk 22:​31-34—Yezu wankuluvela wi murumiwi Pedro, agahiwodha walibiha akwaye masiki na dhovonya dhaye dhottabwa

    • Filé 21—Murumiwi Paulo wahiloga na Filémoni wila wankuluvela wi iyene agahifwara malago aye

Ninawodhe dhavi okala attu apama nigavahaga malago abale azuzumile obe akumuwile?

Kol 3:12; Tia 5:​14-16; 1Ped 3:8

Ninawodhe dhavi omulagiha muttu ottegile wi ninfuna nimukamihedhe wiyelela mandano aye na Yehova?

Gal 6:1; Ef 4:32

Ninawodhe dhavi wariha abale analaga iyo nihitanalaga yimo yawa, akala muyana peno akala mulobwana?

1Tim 5:​1, 2

Sabwaya jani anddimuwa a mmulogoni anofwanyela ovaddela monelo ondhela mBibiliani masiki akala muttu onodidela okodda malago andhela mBibilianimwa?

1Kor 5:​9, 11, 13; 1Tim 5:20; Tito 3:10

Kang’ana vina “Oburutxiwa Mmulogoni”

 

Enowodheya Weyo Vina Oziveliwana

Masunzo a mapadduwo a Mbibiliani

Munyakoddo na Mwana-Muyana

Mwana muyana wa Mwizrayel omwaddela fumu waye wila Yehova ohikana guru dhinddimuwa—vina onowira matikiniho.

NILI ANI

Kakumbirha Ovizitariwa

Ziwá mavuzo anakuliwa na Bibilia obe kasunzavi mwaha wa Anamoona a Yehova.

Malebo a Bibilia Anakamihedha Akristu

Malago

Etxuwabo
Malago
https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png
scl pp. 36-39
OSAKULE EKALELO YA DOWNLOAD
Malago
Publication download options Malebo a Bibilia Anakamihedha Akristu