Skip to content

Skip to table of contents

Kaveda Mpu (opens new window)
Kapepesa JW.ORG

Matelo

Matelo

Bani witile matelo?

Wita 1:​27, 28; 2:​22-24; Mt 19:​4-6

Mukristu onfwanyela omusakula ani wi amutele obe ateliwena?

Sabwaya jani Mukristu webaribari kagarumelile wi mwanaye amutele obe ateliwe na muttu ohili mudhari wa Yehova wobatiziwa?

1Kor 7:39; 2Kor 6:​14, 15

  • Mapadduwo amakamaka a mBibiliani:

    • Wita 24:​1-4, 7—Ottiya orumela wi mwanaye Izaki amutele muyana wa mukadda Kanaá, wawebedha amilugu ena, muluvali Abrahamu wahigana omutamelela mwanaye Izaki muyana wamwebedha Yehova

    • Wita 28:​1-4—Izaki wahinvaha malago mwanaye Jakob awi amutele muyana wamulabela Yehova, ottiya muyana wa mukadda Kanaá

Yehova onviwamo dhavi akala mulabeli waye onomutela obe onoteliwa na muttu ohinimulabela?

Olib 7:​3, 4

  • Mapadduwo amakamaka a mBibiliani:

    • 1Amwe 11:​1-6, 9-11—Yehova wahisilidhiwa na Mwene Salomau sabwani iyene wahilupa nlamulo, àtelaga ayana a dhilabo dhina, abuwene amukwekwettile murima bafiyedha ottiya omulabela Yehova

    • Neh 13:​23-27—Dhahene ninga Yehova, Governador Nehemiya wahisilidhiwa venjene, ana Izrayel mwatelilani ayana a dhilabo dhina ahamulabela Yehova, nona Nehemiya wahasisigula vina wahasaddeya

Ekalele nni ya malago omutela obe oteliwa na muttu onimulabela Yehova n’ororomeleya vina onna mweddelo wapama?

Gano 18:22; 31:​10, 28

Kang’ana vina Ef 5:​28-31, 33

  • Mapadduwo amakamaka a mBibiliani:

    • 1Sam 25:​2, 3, 14-17—Masiki valiyevi mureli, Nabal wali muwali vina muttu wabure, eji yannimukosiha iyene okala mamuni wohifwanyelela wa Abigaíl

    • Gano 21:9—Nigamusakula bure oddule onfunihu omutela obe oteliwana, ninodhaga oyelela murenddele vina wagalala

    • Rom 7:2—Murumiwi Paulo ohitapulelamo wi muyana agateliwa onkala mutxiddo mwa osogorhela wa mamunaye wohakwana, bili dhawene muyana wa eziwelo onofwanyelela otanalela pama ahinatti omusakula bani onfuniye oteliwana

Ahinatti omaga matelo

Enfuneyela nni mulobwana owodhaga osapela murala ahinatti wubuwela otela?

1Tim 5:8

  • Nipadduwo namakamaka na mBibiliani:

    • Gano 24:27—Mulobwana ahinatti otela vina okaana aima, iyene onofwanyela olabaga vaddiddi wila awodhe osapela murala

Enfuneyela nni wi abale aneddelelana azuzumele venjene otamela malago vina oziwana pama muttu na mukwaye, ottiya ozuzumela okoddela wa maningo a muttuyá?

Gano 13:10; 1Ped 3:​3-6

  • Mapadduwo amakamaka a mBibiliani:

    • Ruti 2:​4-7, 10-12—Boaz wahimuziwa pama Ruti, mwa wona mukalelo walabiye, wiwa dhaloga attu okuluveleya mwaha waye, wona mukalelo waweddihiye amudhaye vina ozinddiyela wi iyene wanimukwela venjene Yehova

    • Ruti 2:​8, 9, 20—Ruti wahimuziwa pama Boaz, mwa wona oderetu waye, otapuwa waye mada vina omukwela waye Yehova

Yehova onfunela nni wi abale aneddelelana akaanevi mweddelo wotxena mudhidhi oneddelelana awene vina onjani pette?

Gal 5:19; Kol 3:5; 1Tes 4:4

  • Mapadduwo amakamaka a mBibiliani:

    • Gano 5:​18, 19—Merelo meena a okwelana, anrumelihiwa okoselana ba atelani bahi

    • Jibo 1:2; 2:6—Mudhidhi weddelelana mukumbuzi na mukudda Sulamita, anlagihana merelo apama a okwelana, mbwenyi kali merelo onyakuwa agattukuleli ogonihana

    • Jibo 4:12; 8:​8-10—Musulamita wahikanavi mweddelo wokoddela vina wahilagiha ovipimelela, iyene wali ninga jardim omageliwe rhinga

Enfuneyela nni atelani otelana mowiwanana na nlamulo?

Mt 22:21; Rom 13:1; Tito 3:1

Mabasa a amamuni

Ettomo gani enddimuwa yavahile Yehova amamuni?

Ef 5:​23, 25, 28-31, 33

Mamuni oli Mukristu onfwanyela ofwara yotagiha yani agasogorhelaga murala waye?

1Kor 11:3; Ef 5:23

Mamuni onfwanyelela nni woniha wi onomukwela mwadhiye vina onononelamo dhubuwelo na dhifunelo dhaye?

Kol 3:19; 1Ped 3:7

  • Mapadduwo amakamaka a mBibiliani:

    • Wita 21:​8-12—Abrahamu kaziveliwe na monelo wavahile mwadhiye Sara, masiki dhawene Yehova wamwaddela wi wanfwanyela okosa ejile yalogile Sara

    • Gano 31:​10, 11, 16, 28—Mamuni weziwelo onna muyana wapama obe wamurima, kanang’anela dhotene dhinkosa mwadhiye vina kantamela dhovonya dhaye, ottiya ejo, iyene onomukuluvela vina onomusiba

    • Ef 5:33—Mazu a murumiwi Paulo anowoniha wi kahiyo yabure muteliwi otamela oziwa akala mamunaye onomukwela

Mabasa a ateliwi

Ettomo gani yamakamaka yavahile Yehova ateliwi ali Akristu?

Wita 2:18; Kol 3:18; Tito 2:​4, 5

Koddi mabasa a muteliwi anoniha wi ayana kanna ttima?

Wita 1:​26-28, 31; 2:18

  • Mapadduwo amakamaka a mBibiliani:

    • Gano 1:8; 1Kor 7:4—Mulugu ohavaha ateliwi vina amayi, ettomo eng’onovi vamuralani

    • 1Kor 11:3—Murumiwi Paulo ohinonihedhamo wi iyo notene nili mutxiddo mwa onddimuwa-onddimuwavi, mbwenyi Mulugu wehu Namawodha- wodha Yehova bahi ddihinsogorheliwa

    • Aheb 13:​7, 17—Mmulogoni, alobwana vina ayana anofuniwana wawiwelelaga s’opambiha abale ansogorhela

Muyana oli Mukristu oteliwe na mulobwana ohinimwebedha Yehova anawodhe dhavi omwagalaliha Yehova?

1Kor 7:​13-16; 1Ped 3:​1, 2

Muteliwi oli Mukristu onfwanyelela nni omweeddihaga mamune na nriho?

Ef 5:33

  • Nipadduwo namakamaka na mBibiliani:

    • Wita 18:12; 1Ped 3:​5, 6—Sara wannimweddiha mamunaye na nriho ninddimuwa, afiyedhaga omukuwela “nabuya”

Muyana wa mukalelo gani onsibiwa mBibiliani?

Gano 19:14; 31:​10, 13-31

  • Mapadduwo amakamaka a mBibiliani:

    • Wita 24:​62-67—Rebeka omukamihedha mamunaye Izaki opangarhazeya mumaleli okwa maye

    • 1Sam 25:​14-24, 32-38—Abigaíl owodha ombarela mamunaye wabure vina attu etene a ntakulu naye mwa odhowa omukumbirha Davidi na oviyeviha wila aweddele ttagaraga

    • Est 4:​6-17; 5:​1-8; 7:​1-6; 8:​3-6—Musano Ester ohika egumi yaye vangovini dila bili wi aloge na mamunaye, mwene, masiki ahikuweliwe, iyene okosile ejuwene wila amukumbirhe wi nlogo na Mulugu nibareliwe

Ologela makani

Gano gani dhinakamihedhe atelani ologela makani a vamateloni vawa?

1Kor 13:​4-8; Ef 5:33; Kol 3:​12-14

Gano gani dhinakamihedhe atelani okaana monelo wofwanyelela mwaha wa kobiri?

Lk 12:15; Fil 4:5; 1Tim 6:​9, 10; Aheb 13:5

Kang’ana vina “Kobiri”

Magano gani anakamihedhe atelani ogana mukalelo onaweddihege awene anamudhi vina asezele awa?

Masal 34:15 [Masal 34:14 NM]; Mt 19:​5, 6; 1Kor 13:​4, 5

Gano gani dhinaweddihe atelani mwaha wa ogonihana?

Gano 5:​15-20; Mt 5:​27, 28; 1Kor 7:​3-5; 10:24; Fil 2:4; Aheb 13:4

Ekalele nni yamakamaka ofwaseyela mikalelo dhapama dha mulobwana obe dha muyana ottiya dhovonya dha muttu-muttu?

Masal 103:14; 130:​3, 4; Gano 17:9; 1Ped 4:8

Ekalele nni yapama ologela momaguva-mwene makani na ekalelo yokwela, ehili ottiya wi ntxiga vina osilidhiwa dhimele mitxitxi mmirimani?

Masal 37:8; Gano 14:29; Ef 4:​26, 27; Tia 1:​19, 20

Sabwaya jani owali, osilidhiwa, oruwana, kani vina ovadana kadhinrumelihiwa mwa Akristu?

Masal 11:5; Gal 5:​19-21; Ef 4:​31, 32; Tito 3:2

Vageteya makattamiho, efunelo ya muteli vina ya muteliwi enfwanyela okala evi?

Masal 34:15 [Masal 34:14 NM]; Mt 5:9; Rom 12:​17, 18, 21

Yehova agakala niparha na vamateloni maruriho gani ankana atelaniyá?

Koh 4:​9-12

Magano a Mulugu mwaha wa matelo

Txini enloga Bibilia mwaha wa ogonihana vina matelo?

Gano 6:32; Mt 5:​27, 28; 1Kor 6:​9, 10; Aheb 13:4

Akristu anorumelihiwa ovalanya?

Mt 19:​8, 9; 1Kor 7:2; 1Tim 3:​2, 12

Ninziwa dhavi wi matelo anofwanyela okala a mulobwana mmodha na muyana mmodha?

Wita 2:​18, 22, 24; Mt 19:​4-6; Rom 1:​23-27

Sabwaya jani muteli na muteliwi anofwanyelela okalaga vamodha?

Mk 10:​6-9; Rom 7:​2, 3; 1Kor 7:​10, 11

Mwaha mmodha onrumeliha Bibilia wi attu amwalane buvi?

Mt 5:32; 19:9

Yehova onviwamo dhavi atelani agamwalana vahili mwaha onrumeliha Bibilia?

Mal 2:​13-16

Muttu mmodha wa vamateloni agakwa, ole onhala okaana ofuru wa otela obe oteliwa wili?

Rom 7:​2, 3; 1Kor 7:39

 

Enowodheya Weyo Vina Oziveliwana

NILI ANI

Kakumbirha Ovizitariwa

Ziwá mavuzo anakuliwa na Bibilia obe kasunzavi mwaha wa Anamoona a Yehova.

Malebo a Bibilia Anakamihedha Akristu

Matelo

Etxuwabo
Matelo
https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png
scl pp. 42-46
OSAKULE EKALELO YA DOWNLOAD
Matelo
Publication download options Malebo a Bibilia Anakamihedha Akristu