Malebo a Bibilia Anakamihedha Akristu anele oukamihedha weyo ofwanya maversu vina mapadduwo a mBibiliani abuwene anaukamihedhe okwaranya dhorutxa dha siku-siku. Nivuru ntti ninele oukamihedha weyo vina ofwanya makani a mBibiliani analibihegena weyo attu ena wila awodhe okosa dhosakula dhaderetu dhinimuttittimiha Yehova. Bari ogawodha ofwanya makani anfuniwe, kattiya wi mavuzo na ogwaddela wa mapadduwo a mBibiliani aukamihedhe. (Kang’ana kwaduru “ Nivuru Ntti Ninlabihedhiwa Dhavi.”) Weyo vina onele ofwanya mafumo anakamihedhegena weyo attu ena. Maversu a—mBibiliani anawukamihedhe okwaranyana makattamiho, ovaha malago vina nipangarhazo.

Nivuru ntti kaninloga malebo otene amakaniyá. Mbwenyi ninele oukamihedha venjene ogakosaga dhopepesa dhawo. (Gano 2:​1-6) Wi otibevi makaniyá, kalabihedha mareferensia vina manota anfwanyeya mBibiliani wa Tradução do Novo Mundo da Bíblia Sagrada. Kalabihedha Guia de Pesquisa para Testemunhas de Jeová obe Índice das Publicações da Torre de Vigia wi osunze entapulela nlebona na Bibilia obe mulabihedhoyá. Kadhowa wapepese manivuru meena avuwihiwe ovanenevi wi okaane ononelamo oswa ya ebaribari ya mBibiliani.

Ninojedhela wi Malebo a Bibilia Anakamihedha Akristu anele oukamihedha weyo okaana mirugu, eziwelo vina ononelamo wa Malebo Okoddela. Ogalabihedhaga nivuru ntti, onele okaana ebaribari yowakwana wi nzu na Mulugu tta egumi vina nikaana owodha.—Aheb 4:12.