URALA bu mparha olitxi wa wale onziwiwa okalawo wotene wa athu, mbwenye ovanene ohikaana makathamiho. Otxutxa okwene omwadheyile mwari mwa azombwe anja mirobwe dhinviriganiha ogogo vina ojeberuwa, mulili wa ovanene wa omwalana vina otimbwini wa vamuralani, muthengo ofukuwile oninjivavi wa mirala dhina mambali mmodha vina makathamiho mena manddimuwa amputhula, anowakubanyiha athu ena akala murala onela oviluwa.

Enowodheyavi murala okala muthawelo, mburo onakaliha deretu, onabarela vina onataanala athuya? Indde, athuya a vamuralani koziwa nigano natxibarene na murala wosanzaya. Nigano nthi kaniviteyile. Ninotagihiwaga vina ninowehiwa na ovira wa mazana a vyaka. Txini? Nivuru nthi, Nigano Na Murala Wosanzaya, ninowakula. Nthi vina ninovaha dhotagiha dhothiddihedheya mabasa dha mukalelo onwodha “nigano” nthi okamiha ovugula makathamiho gwe anvaanela mazuzumiho a mirala. Masaka abano ohikala muthu ohinfuna mpaganyo obu?