ANAMATONYA Anamatonya attomeliwe wukamihedha. Ninowukumbirha wila wawiwelelege kakamwe ofwaraga musogorhelo wawa mowiwanana na vego vowimetxa mukukutta, waweddiha attu, ottidda mpaddo na dhilobo dhina.

OBATIZO Mburo wa abale andowa obatiziwa onele okoyiwa na mutanene osogorho wa palku. Abale avivelelile wi abatiziwe, agilati mburo ottomeliwani diskursu ya obatizo ehinatti oroma Sabuddu membesi. Kadda muttu onofwanyela odhana tuwalia na dhabalo dhofwanyela obwinihiwana.

NVAHO Vahinongiwa muttengo mwinjene wila vakale mipaddo dhofwanyela, dhipano dhovavihana mazu, na mabasa mena menjene aniwodhihile omona kongresu oddu onikamihedhile okala amarho a Yehova. Mvaho wawo omperheka weyo na murima wotene onokamihedha opitxela muttengo obu vina onokamihedha mabasa ankosiwa elabo yotene. Wila ohitabuwe, vahikala makasha a mivaho mburo obu wotene. Mivaho dhotene dhinotamaleliwa vaddiddi. Nikuru Nolamulela ninowutamalela sabwa ya okamihedhaga mabasa a Omwene na murima wotapuwa.

NIKAMIHEDHO NA EGUMI Muhidduwale wi masasanyedho aba ba oredda worurumutxa bahi.

DHORIMELA DHIFWANYIWE Dhilobo dhotene dhinddoddiwa dhinofwanyela odhowiwana mburo wa Dhorimela Dhifwanyiwe. Akala ohirimeliwa elobo kadhowa wenewo wone akala ehifwanyiwa. Aima arimelile nanda anedda woka ahiziwaga oli amambali awa, aveleliwe mburo obu. Nona, mwawang’anege aima wi anadhe avahe muttorho.

MPADDO Ninowukumbirha wila warihe attu ena. Kobuwela wila mpaddo sofuneya okoyeliwa abale adhile na weyo bahi, ankala na weyo nyumba modha obe animusunza Bibilia na weyo. Yofuneyaya jawila kamuttiye bure-bure dhitagano vadhulu va mpaddo waddamana na nyuwo.

MABASA A OVIPERHEKA Akala onofuna oviperheka wila okamihedhe mabasa va kongresuni oddu, kapange abale ali mparha obu.