Omwene wa Mulugu Txini?
Weyo ogahiloga wila . . .
-
elobo-txilobo mwari mwa murima wawo?
-
elobo ya oladdaniha?
-
omwene wa wirimu?
TXINI ENLOGA BIBILIA
“Mulugu w’odhulu onere wita omwene ohinamale-wene.”—Daniyel 2:44, Bíbilia—Malebo Okoddela.
“Nihivahiwa mwana mulobwana. Owodha wothonga oli na iyene.”—Izaiya 9:5.
EJO ENTAPULELA ENI WA WEYO
-
Omwene woligana onele owodha wukamihedha weyo wamwinyeene.—Izaiya 48:17, 18.
-
Elabo eswa endawo, egumi yoligana vina na wagalala.—Ovuhulela 21:3, 4.
NINOFANYELA TXIBARENE ORUMEELA ENLOGA BIBILIA?
Indde, na sabwa bili:
-
Yezu ohilagiha ejile enakose Omwene wa Mulugu. Yezu wahasunziha anamafara aye olobelaga mwa odha wa Omwene wa Mulugu vina wi efunelo ya Mulugu ekosiwe velaboni ya vati. (Mateu 6:9, 10) Yezu ohilagiha mukalelo onakuliwe nlobelo ntti.
Valiye velaboni ya vati, Yezu wahajiha aliba dala, wahavulumutxa aredda, vina wahavenyiha abale akwile! (Mateu 15:29-38; Joau 11:38-44) Ninga Mwene wa musogorho wa Omwene wa Mulugu, Yezu ohivaha moonelo wokoddela wa musogorho wa esile dhinakose Omwene na alamuleliwi awa.—Ovuhulela 11:15.
-
Mikalelo dha elabo dhinotonyihedha wi Omwene wa Mulugu onele odha momaguva. Yezu ohiloga wi Omwene ohinatti odhana murenddele velaboni ya vati, elaboya eji yehu egahimotteliwa ngovi ninga koddo, dala, vamodha ottekenyeya wa mattaka.—Mateu 24:3, 7.
Mikalelodha eso iyo ninowoonaga nsaka nttino. Noona iyo ninofanyeela okaana ekuluvelo yawi Omwene wa Mulugu momaguva onele ogomiha makattamiho aba etene.
WI NUBUWELE SABWAYA
Egumi ya attu enakale dhavi mutxiddo mwa olamulela wa Omwene wa Mulugu?
Bibilia onowakula nivuzo ntti va MASALMO 37:29 vina IZAIYA 65:21-23.
Enowodheya Weyo Vina Oziveliwana
MASUNZIHO A TTIMA A MBIBILIANI
Omwene wa Mulugu Txini?
Yezu bali velaboni ya vati makani asunzihetxiye attu ali sabwa ya Omwene wa Mulugu. Mpaka ddabuno, anamafwara aye anolobela wila Omweneya odhe.
MWANG’ANELI
Txini Dhinakwanihedhe Omwene wa Mulugu?
Yezu wanziwa wi Omwene wa Mulugu bunwodha ogomiha masoso a malogo. Txini dhikosile Omwene obu, esuwene dhinnivaha nroromelo na ogomiha masoso?
NILI ANI
Ninimusunzelani Bibilia?
Bibilia onovaha makulo a mavuzo manddimuwa a mwigumini attu matxikwi na matxikwi orugunuwa elabo yotene.Ogahiziveliwa okala mmodha wa abene?
MASUNZIHO A BIBILIA
Karoma Weha Kursu Yehu ya Bibilia
Kakana kursu ya masunzo a Bibilia ohipitxeliwa na namasunziha, mumodhani.
