To those who love Jehovah God and his Word, the Bible:

Yezu ohiloga: “Munonona ebaribari; ebaribariyá jinaufuruleni.” (Joau 8:32) Wewilemo dhavi muromeliwe omusunza Bibilia. Elobo yohagalaliha oziwa ebaribari mwilaboni mpuno mudhalile ottambi.—2 Timóteo 3:1.

Yehova onfuna attu otene asunze ebaribari. Vowi iyo ninowakwela attu, ninfuna nasunzihe ebaribari ya Yehova. Omulaba Mulugu enopitta osunziha, enofuneya okosa dhilobo dhina. Enofuneya weddagana mikalelo dha Okristu vina oriha magano a Yehova. Yezu ohitapulelamo mikalelo dhinoniha wi ninomukwela Mulugu. Iyene ohiloga wi: “Mugavirihamo magano aga, munokalavi mukwelani mwaga; ninga enira miyo ddivirihilemo magano a Babaga, ddinkalavi mukwelani mwaye.”—Joau 15:10.

Yezu onomukwela Babe, onokosa dhilobo dhetene dhinimukumbirha iyene wi akose. Nigamutagiha Yezu mwigumini mwehu, Yehova onele onikwela vina ninele ofwanya ohagalala webaribari. Ninga mulogeli Yezu wi: “Mugavirihagamo, panafanyenyu ojavo.”—Joau 13:17.

Ninjeedhela wi nivuru ntti ninela wukamihedha weddiha egumi yawo na esile dhinsunziha Bibilia vina onele owodha omaga mandano na Yehova. Ninoulobelela wi owaralihe nroromelo nawo na omukwela Mulugu, ‘weddegenavi okwela wa Mulugu wi iyene awuvahe egumi yohimala.’—Juda 21.