NSUNZO 01
Bibilia Onawukamihedhe Dhavi?
Kinaganyedheya wi iyo notene nihikana mavuzo mwaha wa dha mwigumini ninga: Matabuwo, okwa, na dha musogorho. Iyo ninozuzumela dha labo na labo, ninga dhovisapelana, vina okana murala wohagalala. Attu enjene ahizinddiyela wi Bibilia kankamihedha bahi wakula mavuzo manddimuwa a mwigumini, mbwenye onovaha malago owakwana anakamihedha ovilela dhorutxa dha labo na labo. Weyo onorumela wila Bibilia ohikana ewodhelo ya omukamihedha muttu-muttuvi?
1. Mavuzo gani anakuliwa na Bibilia?
Bibilia onowakula mavuzo amakamaka, ninga aba: Egumi eromile dhavi? Iyo nittanddeliwe eni? Attu ahina muladdu antabuwela eni? Txini enimpadduwela muttu agakwa? Akala attu otene anofuna murenddele, okalelini koddo? Elabo enakale dhavi musogorho? Bibilia ononikokomeza otamela dhowakula dha mavuzo aba; vowi attu matxikwi menjene ahifwanya dhowakula dhokuluveleya.
2. Bibilia onwodha dhavi onikamihedha okana wagalala wa siku na siku?
Bibilia ononivaha malago ankamihedha. Motagiha, iyene onowakamihedha anamudhi ofwanya wagalala webaribari. Ononivaha malago a owodha owanana odhugudheya wa muyubuweloni, vina owodha wagalala na mabasa ehu. Weyo onela oziwa ensunziha Bibilia mwaha wa makani aba, vina ninela otanalela miseludha mumodhani. Txino weyo onela orumela wi ‘dhetene Dhilebiwe mBibiliani . . . s’opureleyamo.’—2 Timóteo 3:16.
Nivuru ntti kahiye Bibilia. Mbwenye ninoukamihedha oziwa ompepesa Bibilia wamwinya. Ottiya ejo ninfuna wi wengesege malebo anfwanyeya munivuruni ntti, vina oladdanihege na esile dhinsunziwe.
TAMELA ONONELAMO PAMA
Kazinddiyela mukalelo okamihedheyile attu ena, mwa omusunza Bibilia; onele wona dhinaukosihe oziveliwana wengesa vina onele oziwa ekalelani yopureleyamo ononelamo mazu a Mulugu.
3. Bibilia onowodha oneddiha
Bibilia onoladdanihiwa na txeza emmoneya veddimani. Ninomulabihedha Bibilia wi niwodhe okosa dhosakula dha malago vina niwodhe wona esile dhinapadduwe musogorho.
Kengesa Masalmo 119:105, ogamala otanaalele mavuzo aba:
-
Namaleba wa masalmo oddu wamoona dhavi Bibilia?
-
Weyo onimoona dhavi Bibilia?
4. Bibilia onowodha wakula mavuzo ehu
Muyana dhahi ohifwanya mBibiliani dhowakula dha mavuzo amuzuzumiha mwari mwa vyaka dhinjene. Karumiha VIDIYU, ogamala otanaalele mavuzo aba.
VIDIYU: Kuyelele Njedhelo Nawo! (1:48)
-
Mavuzo gani anna muyana olagihiwe mvidiyunimwa?
-
Omusunza waye Bibilia omukamihedhi dhavi?
Bibilia ononaddela ttima ya okosa mavuzo. Kengesa Mateu 7:7, vina ogamala otanaalele nivuzo ntti:
-
Nivuzo gani nina weyo ninwodha wakuliwa na Bibilia?
5. Enowodheya weyo oziveliwana omwengesa Bibilia
Attu enjene anoziveliwa omwengesa Bibilia vina anopurelamo. Karumiha VIDIYU, vina ogamala otanaalele mavuzo aba.
-
Azombwe alagihiwe mvidiyuni anonamo dhavi omwengesa Bibilia?
-
Awene oonile ottiyana gani muromelani omwengesa Bibilia?
Dhinloga Bibilia dhinonivaha njedhelo. Kengesa Roma 15:4, vina ogamala otanaalele nivuzo ntti:
-
Ohiziveliwa na mapikirhelo a Bibilia a okalawo nofwaseya?
6. Ena anowodha onikamihedha omunonelamo Bibilia
Ottiya omusunzavi Bibilia, attu enjene ahizinddiyela wi jopureleyamo omusunza na attu ena. Kengesa Merelo 8:26-31, vina ogamala otanaalele nivuzo ntti:
-
Niwodhe dhavi omunonelamo Bibilia?—Kang’ana versu 30, 31.
Mulobwana wa Etiyopiya wahikamihedhiwa ononelamo Malebo. Attu enjene masaka abano anononelamo wila omusunza Bibilia na attu enna enokamihedha
DHOLOGA DHA ATTU ENA: “Omusunza Bibilia oyelela mudhidhi.”
-
Weyo ogalogile dhavi? Nanda sabwaya jani?
OGWADDELA
Bibilia onovaha malago okalanawo siku na siku, onowakula mavuzo manddimuwa a mwigumini, onovaha muselu wopangarhaza vina wa njedhelo.
Kobuwela Dhisunziliwe
-
Malago gani anwodha onivaha Bibilia?
-
Mavuzo gani anakula Bibilia?
-
Txini egaziveliwe weyo osunza mBibiliani?
TAMELÁ ONONELAMO DERETU
Koona mukalelo onkamihedha malago a Bibilia masaka abano..
“Os Conselhos da Bíblia são Sempre Atuais” (A Sentinela N°. 1 2018)
Koona mukalelo omukamihedhi Bibilia mulobwana dhahi wawanana dhubuwelo dhohikala oromana muhimani mwaye.
Nikalele Ntidi (2:53)
Koona magano a Bibilia ankamihedha okana murala wowagalala.
“12 Segredos Para Uma Família ser Feliz” (Despertai! N.º 2 2018)
Attu enjene anloga wila Mulugu ddinag’anela elabo. Koddi ejoya ebaribari? Koona enloga Bibilia.
Ninimusunzelani Bibilia?—Yoneyege Yotene (3:14)
