NSUNZO 04
Mulugu Bani?
Ovenyana omaromo, nlogo na attu ninowawebedha amilugu enjene. Mbwenye Bibilia onomuloga ‘Mulugu mmodha oli munddimuwa, onapitta amilugu otene.’ (2 Mapadduwo 2:5 Tradução do Novo Mundo) Muluguyá oddo bani? Iyene okaleleni munddimuwa onapitta amilugu otene? Nsunzo ntti ninela woniha wi Muluguyá oddo, onfuna wi weyo omuziwe.
1. Nzina na Mulugu ttivi? Vina txini enoniha wi Mulugu onofuna wila nimuziwe?
Mbibiliani Mulugu onologamo nzina naye. Iyene bela: ‘Miyo ddili Yehova. Ntti tti nzina naga.’ (Kengesa Izaiya 42:5, 8.) Nzina ntti “Yehova” na elogelo ya Ebraiku nintapulela wi “Iyene Onowakwaniha Ejile Enganiye”. Yehova onfuna wila iyo niziwe nzina naye. (Obudduwa 3:15) Ninziwa dhavi ejoya? Sabwani iyene ohilebiha mBibiliani nzina naye okwaranya dila 7.000! a Attu enjene anomukuwela Mulugu na mazina a ettomo ninga “Mulugu” “Nabuya”, “Muttanddi” vina “Namawodha-Wodha”. Mbwenye Mulugu w’ebaribari ‘muttanddi wa wirimu na dhiliwo, wa elabo na dhilimo, ddinfwanyela bahi okuweliwa na nzina ntti, Yehova.’—Olibiha 4:39.
2. Txini enloga Bibilia mwaha wa Yehova?
Attu anowawebedha amilugu enjene, mbwenye Bibilia onloga wi Mulugu webaribari ddi Yehova bahi. Onlogelani dhawene? Dhihikalawo mwaha dhinjene. Kawo ona owodha onddimuwa oninfiyedha obe onimpitta Yehova, nona iyene “ddi Namadhulu-dhulu mwilaboni mwetemwene.” (Kengesa Masalmo 83:18.) Ddi iyene bahi oli “Namawodha-wodha,” kuloga ddi iyene ona ewodhelo ya okosa elobo elobovi enfuniye. Iyene ddittanddile dhotene dha wirimu na dha mwilaboni. (Ovuhulela 4:8, 11) Yehova ddi Mulugu okalilewo, vina onkalawovi okala nokala-wene.—Masalmo 90:2.
KASUNZAVI
Katamela oziwa ottiyana ona mazina a ettomo a Mulugu na nzina naye. Kaziwa vina mukalelo wuziwihile Yehova nzina naye, vina sabwaya ekoseliye ejuwene.
3. Mulugu okana mazina menjene a ettomo, mbwenye ona nzina nimodha na ebaribari
Koona ottiyana ona nzina na ettomo, na nzina n’ebaribari, karumiha VIDIYU, mugamala mutanaalele nivuzo ntti:
-
Ottiyana gani ona nzina nebaribari na nzina na ettomo ninga “Nabuya”?
Bibilia onologa wi attu anowawebedha amilugu na anabuya enjene. Kengesa Masalmo 136:1-3, mugamala mutanaalele nivuzo ntti:
-
“Mulugu onapitta amilugu otene” vina oli “Nabuya wa anabuya otene” bani?
4. Yehova onfuna wi weyo omuziwe vina omukuwelege na nzina naye
Txini enzinddiyeliha wi Yehova onfuna wi weyo omuziwe? Karumiha VIDIYU, mugamala mutanaalele mavuzo aba:
-
Ninga munonela weyo, Yehova onfunela eni wi attu otene aziwe nzina naye?
Yehova onfuna wi attu amukuwelege na nzina naye. Kengesa Roma 10:13, mugamala mutanaalele mavuzo aba:
-
Ekalele eni yamakamaka olabihedha nzina na Yehova?
-
Muttu agawukuwela na nzina nawo weyo oniviwamo dhavi?
-
Wonamo wawo Yehova oniwamo dhavi agakuweliwaga na nzina naye?
5. Yehova onfuna wi weyo onfiyedhe
Karoma woona empadduwele muyana dhahi onkala o Camboja onkuweliwa Soten. Iyene bela: Oziwa nzina na Mulugu vina ejile entapulelani, jilobo ya ttima vaddiddi empadduwele mwigumini mwaye. Karumiha VIDIYU, mugamala mutanaalele nivuzo ntti:
-
Ninga moneliwe mvidiyuni, egumi ya Soten etxinjile dhavi muziweliye nzina na Mulugu?
Wi attu akale amarho, anroma oziwana mazina awa. Kengesa Tiago 4:8a, mugamala mutanaalele mavuzo aba:
-
Niwobo gani ninukosela Yehova?
-
Oziwa na olabihedha nzina na Mulugu enawukamihedhe dhavi onfiyedha?
ATTU ENA ANLOGA WI: “Mulugu oli mmodha bahi, nona masiki iyo nimukuwele na nzina-nzinavi iyene onorumela.”
-
Weyo onorumela wi Yehova tti nzina na Mulugu?
-
Onawodhe dhavi otapulelamo muselu wawi Mulugu onfuna wi iyo nimukuwelege na nzina naye?
OGWADDELA
Yehova nzina na Mulugu webaribari. Iyene onfuna wi notene nimuziwe. Nona, jofwanyela ononelamo dila dhaye vina omukuwela na nzina naye.
Kobuwela Dhisunziliwe
-
Yehova okalile dhavi wottiyana na amilugu otene anawebedha attu?
-
Enfuneyela eni iyo omukuwelaga Mulugu na nzina naye?
-
Txini enoniha wi Yehova onfuna wi weyo okale marho waye?
TAMELÁ ONONELAMO DERETU
Koona dhizinddiyelo tanu dhinoniha wi Mulugu ohikalawo.
Karoma wona ekalelani yamalago orumela wi Mulugu ohikalawo.
Enowodheya osunza vina oziwa ologa nzina na Mulugu. Masiki nihiziwaga mukalelo waromoliwa nzina naye masaka a mundduni.
Ottiyana gani olivo wa oromola nzina na Mulugu, Yehova, na ohiromola? Koona ennittukulela ologa wi Mulugu ona nzina nimodha bahi.
a Wi oziwe miselu dhina mwaha wa nzina na Mulugu vina sabwa ya anamatapulela ena oburutxamo mBibiliani nzina naye, koona pêndice A4 wa Tradução do Novo Mundo da Bíblia Sagrada.
