NSUNZO 09

Nlobelo Ninolibiha Omarho Wawo na Mulugu

Orumiha dhovuruwana obe Vidiyu dhisakuliwe na Elogeloya

Wahiromaga ofwanyiwa dhorutxa dha mwigumini dhoniliwe wi wanfuna malago apama? Weyo ohikana mavuzo a mwigumini agaziveliwiwe oziwa dhowakuladha? Onofuna nipangarhazo obe nikamihedho? Ogahiziveliwa okala wofiyedheya na Yehova? Mwa dhotedhene esi, nlobelo ninokamihedha venjene. Kito mukaleloya waderetu wolobela buvi? Mulugu onovuruwana malobelo otene? Txini enfwanyeliwe okosa wi Mulugu avuruwane malobelo awo? Ndowe noone.

1. Nimunyalihedhege ani malobelo ehu, vina txini dhinfwanyelihu okumbirha mmalobelonimwa?

Yezu ohisunziha wi onfwanyelelihu omulobelela ddi Babihu wa wirimu bahi. Jijuwene yakosiye vina. Iyene ohiloga: “Mulobelege dhahi: ‘Baba wehu muli odhulu . . . ’” (Mateu 6:9) Nigalobelaga wa Yehova omarho wehu na iyene onolibavi.

Enowodheya iyo olobelela elobo-elobovi. Mbwenye niziweni wi Mulugu onrumeela malobelo aniwanana na efunelo yaye. “Iyo ninomususela Mulugu na nroromelo, vowi ononivuruwana nigamuloba elo bari munfuneliye.” (1 Joau 5:14) Yezu ohivaha tagiha ya esile dhinfwanyelelihu olobelela. (Kengesa Mateu 6:9-13.) Mowenjedhedha, akala iyo ninfuna nimulobelele Mulugu mwaha wa dhofuna dhehu, ninofwanyela ohidduwala omutamaalela mwa esile dhinnikoseliye vina omukumbirha wi akamihedhe ena.

2. Nilobelege dhavi?

Munlobeloni mwehu ninofwanyela okala wotapuwa. Noona Bibilia aganaddela mazu awi ‘mfugulelení segedho dha mmurimani mwenyu.’ (Masalmo 62:9) Enowodheya iyo olobela na lizu nowiweya obe nohiweya, mudhidhi-mudhidhivi obe mburho-mburhovi. Enowodheya olobela na yimelelo obe mukalelo wottiyana-ttiyana. Kavali makani olobela wowimelene, wokokorene obe wogilatene. Yamakamaka munlobeloni ja omuriha Yehova.

3. Mulugu onakula dhavi malobelo ehu?

Iyene onowakula malobelo ehu na mikalelo dhottiyana-ttiyana. Yehova ohinivaha Nzu naye, Bibilia, mwenemo munfwanyihu dhowakula dha mavuzo menjene ankanihu mwigumini mwehu. Mazu a Mulugu ‘anomvaha malago muttu wokurumuwa.’ (Masalmo 19:7; kengesa Tiago 1:5.) Iyene ononifwasiha nigafwanyiwa dhorutxa. Onodha vina waweddiha emeleli aye wi anikamihedhe mudhidhi onfwanyiwehu dhorutxa.

KASUNZAVI

Katamela oziwa txini enfwanyeliwe okosa wi malobelo ankosiwe na murima wotene, avuruwaniwe na Mulugu.

4. Txini enfwanyelihu okosa wi Mulugu ewe Malobelo ehu

Dhilobo gani dhamakamaka dhinfwanyelihu okosa wila Mulugu avuruwane malobelo ehu? Karumiha VIDIYU.

VIDIYU: Mulugu Onovuruwana Malobelo Otene?—Yogwaddela (2:42)

Yehova onfuna wi iyo nimulobelelege iyene. Kengesa Masalmo 65:2, mugamala mutanaalele mavuzo aba:

Weyo onubuwela wi ‘namavuruwana malobelo’ onofuna wi omulobelelege? Sabwaya jani?

Wi Mulugu avuruwane malobelo animukoselihu na murima wotene, ninofwanyela okalawo mowiwanana na magano aye. Kengesa Mikeya 3:4 na 1 Pedro 3:12, mugamala mutanaalele nivuzo ntti:

Ninawodhe dhavi okaana ebaribari wi Yehova onovuruwana malobelo ehu?

Nsaka na koddo, makuru omeli awana anlobelela opemberha. Ninga munoneliwe, Mulugu onowakula malobelo ninga abene?

5. Iyo ninofwanyela olobelaga na murima wotene

Attu ena ahisunzihiwa wi agamulobelelaga Mulugu anofwanyela wiyelela mazu akakene. Mbwenye jijuwene enfuna Mulugu? Kengesa Mateu 6:7, mugamala mutanaalele nivuzo ntti:

Txini enfwanyeliwe okosa wi orabele ologa ‘mazu akakene’ ogalobelaga?

Labo nimodha-nimodha weyo onofwanyela wubuwela mwaha wa nruriho-nrurihovi nuvahile Yehova, ogamala omutamaalele mwaha wa nrurihona. Siku-siku ogamutamalelaga Yehova mwaha wa elobo modha enukoseliye, mwari mwa sumana modha onele olobelela dhilobo tanu na bili dhottiyana.

Babi wapama onofuna vaddiddi wi mwanaye amwaddele dhotene dha mmirimani mwaye. Yehova onfuna wi iyo nigalobelaga nimwaddelege dhotedhene dha mmirimani mwehu

6. Nlobelo mvaho wa Mulugu

Olobela onnilibiha dhavi, masiki akala dhamwigumini mwehu dhinowedda deretu obe akala ninofwanyiwa masoso? Karumiha VIDIYU.

VIDIYU: Nlobelo Ninolibiha Omarho Wawo na Mulugu (1:32)

Bibilia onologa wi malobelo anofwaseyiha yubuwelo yehu. Kengesa Filipi 4:6, 7, mugamala mutanaalele mavuzo aba:

Enoziweya wi nlobelo kaningomiha makattamiho ehu mudhidhi wotene, masiki dhawene ninziwa dhavi wi nlobelo ninokamihedha?
Dhilobo gani dhigaziveliwe weyo okumbirha munlobeloni?

Wanziwa?

Mazu aba “amen” antapulela wi “yireye dhawene” obe “pumwenemo” oromana masaka a Bibilia, mazu aba “amen” anlogiwa omagomelo wa nlobelo.—1 Mapadduwo 16:36.

7. Katamelaga mudhidhi wa olobela

Sabwa ya winjiveliwa dhokosa, mudhidhi mwina ninodduwalaga olobela. Yezu wanvaha ttima malobelo? Kengesa Mateu 14:23 na Marko 1:35, mugamala mutanaalele mavuzo aba: