NSUNZO 11

Onapurelemo Dhavi Wengesa Wawo wa Bibilia

Orumiha dhovuruwana obe Vidiyu dhisakuliwe na Elogeloya

Weyo wahiromaga okumuwa sabwa ya wubuwela oroma mabasa manddimuwa? Wila ewuvevuwele, txino weyo wahigawa mabasaya wi okose vang’ono-vang’ono. Enowodheya weyo okosa yakakene ogamwengesaga Bibilia. Txino weyo onovivuza, ‘Ddinarome vavi?’ Mwari mwa nsunzo ntti, ninele wona mikalelo dhing’onovi dhinakose weyo wi dhukamihedhe okana wagalala ogamwengesaga vina ogamusunzaga Bibilia.

1. Ninfwanyelelani omwengesa Bibilia malabo otene?

Muttu onimwegesa Bibilia obe “nlamulo na Yehova,” onokana wagalala vina ottugareya mwigumini mwaye. (Kengesa Masalmo 1:1-3.) Karoma omwengesa Bibilia malabo otene mwari mwa mitala dhing’onovi valaboni. Mudhidhi onaziwege weyo nzu na Mulugu, onele oziveliwagavi omwengesa Bibilia.

2. Onapurelemo dhavi wengesa wawo wa Bibilia?

Wi opurelemo wengesa wawo wa Bibilia onofwanyelela “otanaalela.” dhinengesiwe (Josuwé 1:8) Ejo entapulela oroma wubuwela dhengesiliwe. ogengesaga ovikose mavuzo aba: ‘Txini ensunsavo miyo mwaha wa Yehova? Ddinawodhe dhavi olabihedha mwigumini mwaga? Ddinalabihedhe dhavi dhinengesimi wi ddakamihedhena attu ena?’

3. Ddinawodhe dhavi okana mudhidhi wi ddimwengese Bibilia?

Weyo onona ninga elobo yorutxa okana mudhidhi wi omwengese Bibilia? Attu enji anubuwela dhawene. Karoma ‘olabihedha deretu mudhidhi wawo na mukalelo wofwanyelela.’ (Éfeso 5:16) Enowodheya okosa ejuwene modhela osakula mudhidhi wa omwengesa Bibilia malabo otene. Attu ena ansakula omwengesa Bibilia na membesi. Ena anosakula omwengesa mutana, mudhidhi wa arhimoso. Nanda ena anosakula omwengesa Bibilia namattiyu ahinatti odhowa ogona. Mwa weyo ogaziveliwe mudhidhi gani?

KASUNZAVI

Koona marhe anakosihe wengesa wawo wa Bibilia okala wopureleyamo. Kavisasanyedhe deretu wi opurelemo nsunzo nawo na Bibilia.

Dhahene ninga munsunzela iyo oziveliwa oja onrhawurihu dila yoroma, ninowodha vina osunza oziveliwa omwengesa Bibilia

4. Kàgalala ogamusunzaga Bibilia

Kahiyo yovevuwa oroma omwengesa Bibilia. Mbwenye, enowodheya weyo okana “efunelo yoliba” ya okosa ejuwene, obe oziveliwa omwengesa Bibilia. Yakakene jimpadduwa nigaroma oziveliwa oja orhawurilihu dila yoroma. Kengesa 1 Pedro 2:2, mugamala mutaanalele nivuzo ntti:

Onona ninga omwengesa Bibilia malabo otene, onele wukamihedha oziveliwa wengesawa?

Karumiha VIDIYU koona ekosile attu ena wi aziveliwe omwengesa Bibilia. Mugamala mutanaalele mavuzo aba:

VIDIYU: Jovens Que Aprendem a Amar a Palavra de Deus (5:33)

Dhorutxa gani dhagumanana azombwe mudhidhi wa omwengesa Bibilia?
Txini yakamihedhile azombwe aba ohittiya omwengesa Bibilia Malabo otene?
Txini ekosilani wi wengesa wawa wa Bibilia okale wozivela?

Malago anawukamihedhe:

Omusakule Bibilia otapuleliwe deretu vina ohinrutxa omunonelamowa. Egawodheya omusakule Bibliya wa Tradução do Novo Mundo onfwanyeya na dhilogelo dhottiyana-ttiyana.
Egawodheya orome wengesa dhipaddi dhinuzivela. Koona monelo dhina va “Karoma wengesa wawo wa Bibilia.”
Kalebela emaliliwe wengesa mBibiliani. Wi ejoya epadduwe, kalabihedha kwadru “Weyo Onowubuwela Vagomeliwe?”
Kamulabihedhe apilikativo JW Library^®. Na apilikativo oddu, enowodheya weyo wengesa, ovuruwana dhipaddi dhogaravariwa dha Bibilia mutelefonini, mutabeletini obe mukomputadorini.
Kalabihedha apêndice wa Tradução do Novo Mundo. Onodhana mapa, tabela vina golosariyu dhinakamihedhe wengesa wawo okala wozivela.

5. Kavisasanyedhele nsunzo nawo na Bibilia

Kengesa Masalmo 119:34, mugamala mutaanalele mavuzo aba:

Ekaleli eni yamakamaka oroma olobela ohinatti omwemgesa obe ovisasanyedha wi okose nsunzo nawo na Bibilia?

Onawodhe dhavi opurelamo nsunzo nimodha-nimodha na kursu eji? Mudhidhi onvisasanyedheliwe nsunzo nawo karoma ofwara malago aba:

Wengese ddima dhoroma dha nsunzona.
Wengese malebo a Bibilia vina otamele ononelamo mukalelo oniwanana na makaniya.
Okwerete dhowakula dha mavuzoya, ejo enele wukamihedha olaga makaniya na namasunza wawo.

Wanziwa?

Anamoona a Yehova ahalabihedha maBibilia ottiyana-ttiyana, mbwenye onimulabihedhtxani dduddu wa Tradução do Novo Mundo da Bibilia Sagrada sabwani ohitapuleliwa deretu, kanrutxa omunonelamowa vina onolabihedha nzina na Mulugu.—Koona miselu dhili mu saitini “As Testemunhas de Jeová tem uma Bíblia diferente?”

ATTU ENA ANLOGA WI: “Enorutxa vaddiddi omusunza Bibilia. Ottiya ejo kaddinkana mudhidhi vina ddinkala wolemene.”

Weyo ononamo dhavi?

OGWADDELA

Wila opurelemo dhili munzuni na Mulugu, katamela mudhidhi wa wengesa Bibilia, olobele wi ononelemo ejile enengesiwe vina ovisasaanyedhele deretu va nsunzoni nimodha-nimodha.