NSUNZO 14
Ninakose Elobo Gani wi Mulugu Arumeele Webedha Wehu?
Ninga monelihu munsunzoni nivirile, Mulugu kanrumela marelijiau otene. Mbwenye, enowodheya omwebedha muttanddi wehu ninga munfuneliye. “Mukalelo gani wa webedha [obe relijiau]” enrumeeliye? (Tiago 1:27) Ndowe none ensunziha Bibilia.
1. Niparha na webedha wehu ttivi?
Webedha wehu odhelege mBibiliani. Yezu wahiloga dhahi sabwa ya Mulugu: ‘Nzu nenyu tta ebaribari.’ (Joau 17:17) Ottiya ofwara enloga nzu na Mulugu, marelijiau menji anvahetxa ttima dhilemelelo na dhosunziha dha attu. Mbwenye Yehova kanarumeela abale ‘anlupa malamulo aye.’ (Kengesa Marko 7:9.) Mwa mpaddi mwina, ninomwagalaliha Yehova nigewelelaga dhinloga Bibilia.
2. Ninamwebedhe dhavi Yehova?
Ninimwebedha Yehova bahi sabwani iyene ddi Muttanddi wehu. (Ovuhulela 4:11) Eji entapulela wi nirabelege kakamwe webedha dhingamuttu obe wawebedhaga akoddeli sabwani ninomukwela Yehova vina ddi iyene onfwanyela webedhiwa bahi.—Kengesa Izaiya 42:8.
Jofuneya wi webedha wehu okale “wokoddela, onimuzivela” Yehova. (Roma 12:1) Ejo entapulela wiwelela vina okwela malamulo aye. Motagiha, attu animukwela Yehova anowiwelela malamulo aye sabwa ya matelo. Awene vina kankosa dhilobo ninga oja fola, oja mirobwe dhinnonga ogogo obe olezela. a
3. Ekalele eni yamakamaka omwebedha Yehova vamodha na abali ena?
Yehova ononikumbirha wi nidhowege omatugumanoni sabwani iyene ononikwela vina onoziwa wila okosa ejo, enonikamihedha okala owagalalene. Nigatugumanaga na abali ena mmulogoni, ninomuttittimiha Yehova. Mukalelo mmodha wa okosa ejuwene bwa omwibela jibo. (Kengesa Masalmo 104:33.) Jibo dhinonikamihedha ‘omutamaalela Yehova . . . mmulogoni.’ (Masalmo 111:1, 2) Ottiya ejo, nigadhowaga omatugumanoni, ninowalibiha abali ena, awene vina anonilibiha.
KASUNZAVI
Katamela oziwa sabwaya ennikoddihedha Yehova olabihedha dhingamuttu nigamwebedhaga. Koona vina marhe amakamaka a omuttittimihana Mulugu.
4. Kanilabihedhe dhingamuttu wi nimwebedhe Mulugu
Ninziwa dhavi wi Mulugu kanziveliwa nigalabihedhaga dhingamuttu obe akoddeli wi nimwebedhege iyene? Karumiha VIDIYU, mugamala mutanaalele nivuzo ntti.
-
Masaka amundduni, alabeli ena a Mulugu yahiroma olabihedha dhingamuttu wi amwebedhegena. Txini edhile wapadduwela sabwa ya ejuwene?
Attu ena anloga wi anlabihedha dhingamuttu wi akale ofiyedheyana na Mulugu. Mbwenye mukalelo waderetu wonfiyedha Mulugu bubwene? Kengesa Obudduwa 20:4-6 vina Masalmo 106:35, 36, mugamala mutanaalele mavuzo aba:
-
Dhilobo gani dhoniliwe dhinlabihedha attu wi amwebedhena Mulugu?
-
Koddi Yehova onoziveliwa attu agalabihedhaga dhingamuttu wi amwebedhena?
-
Weyo ononamo dhavi makani a olabihedha dhingamuttu wi omwebedhena Mulugu?
5. Omwebedha Yehova bahi ononifurula mmasunzihoni ottambi
Ninele ofuruleya mwa masunziho ottambi nigamwebedhaga Yehova mofwanyelela-mwene, koona vidiyu. Karumiha VIDIYU.
Kengesa Masalmo 91:14, mugamala mutanaalele nivuzo ntti:
-
Ninatonyihedhe wi ninomukwela Yehova, nigamwebedhaga iyene bahi. Txini enanivahe Yehova nigakosa ejuwene?
6. Iyo ninimwebedha Mulugu mmatugumanoni o Nyumbani ya Omwene
Ninomuttittimiha Yehova vina ninowalibiha abalihu nigavahaga dhowakula dhehu vina nigamwibelaga jibo. Kengesa Masalmo 22:22, mugamala mutanaalele mavuzo aba:
-
Weyo onoziveliwa wiwa dhowakula dha abali mmatugumanoni?
-
Ogahiziveliwa ovisasanyedha wi ovahe yowakula yawo?
7. Yehova onowagalala nigalogaga na attu ena esile dhisunzilihu
Iyo notene nihikana mudhidhi wa wawaddela ebaribari ya mBibiliani attu ena. Kengesa Masalmo 9:1 na 34:1, mugamala mutanaalele nivuzo ntti:
-
Txini esunziliwe mBibiliani egaziveliwiwe omwaddela muttu mwina?
ATTU ENA ANLOGA WI: “Kintanala mukalelo onimwebedhihu Mulugu, yamakamakaya ku omwebedha na murima wehu.”
-
Weyo onorumela ejoya?
OGWADDELA
Ninamwagalalihe Muttanddi wehu nigamwebedhaga iyene bahi, nigamuttittimihaga mmatugumanoni vina nigalogaga na attu ena esile dhisunzilihu.
Kobuwela Dhisunziliwe
-
Ninasunze dhavi omwebedha Mulugu ninga munfuneliye?
-
Ninfwanyelelani omwebedha Yehova bahi?
-
Ekaleleni yamakamaka omwebedha Mulugu na attu ena anfuna okosa efunelo yaye?
TAMELÁ ONONELAMO DERETU
Wi ononelemo emuttiyihile muyana dhahi webedha dhingamuttu, kengesa nipadduwo “Nao Sirvo Mais a Idolos.”
Koona enokamihedhe ovaha yowakula yawo mmatugumanoni.
“Omuttittimihe Yehova Mmulogoni” (Mwang’aneli, Janero wa 2019)
Koona nikamihedho nakelile muzombwe oddu na matugumano, masiki ekalaga yorutxa odhowa o Nyumbani ya Omwene.
Attu enjene anorumela wi jofuneya Akristu olabihedhaga mwigimanyo. Mbwenye ejoya ebaribari?
“Porque é que as Testemunhas de Jeová Não Usam a Cruz na Adoração?” (Mitoma dha mu jw.org)
a Ninele wona mitoma esi mmasunzoni mena.
