NSUNZO 15
Yezu Bani?
Yezu ddi mmodhavo wa attu enjene avuwile mwilaboni. Masiki dhawene, attu owinjivaya kanimuziwa deretu vina ena akana monelo dhottiyana sabwa ya omuttu waye. Mbwenye txini enloga Bibilia sabwa ya Yezu?
1. Yezu Bani?
Yezu anju wa guru onkala wirimu. Ahinattandde elobo-elobovi, Yehova oromile omuttandda Yezu. Nona, iyene agakuweliwa ‘muttaji wa dhottanddiwa dhotene.’ (Kolosi 1:15) Bibilia vina onloga wi Yezu ddi “Nammodha” wa Mulugu. Ejo entapulela wi Yezu ddiromile ottanddiwa kakamwe na Yehova. (Joau 3:16) Iyene ohilaba vamodha na babe Yehova, amukamihedhaga ottandda dhilobo dhotene. (Kengesa Gano 8:30.) Yezu ohidhowavi akaanaga mandano oliba na Yehova. Iyene mwimeleli wa Mulugu vina ddinvuwiha miselu na magano a Yehova. Nona, Bibilia agamwittanaga “Nzu.”—Joau 1:14.
2. Yezu odheleni velaboni ya vati?
Mwari mwa vyaka 2 mil mundduni, Yehova wahikosa ntikiniho. Iyene ohimwaliha egumi ya mwanaye Yezu wi adhe abaliwe velaboni ya vati na muyana wakuweliwa Maria. Na mukalelo obu, Yezu ohibaliwa ninga muttu womaningoni. (Kengesa Luka 1:34, 35.) Yehova ohimuruma Yezu velaboni ya vati ninga Mesiya obe Kristu, odduwene agavunile nlogo. a Yezu wahakwanihedha mavuhulo otene sabwa ya Mesiya, ejo ehakamihedha attu oziwa wi Yezu wali “Kristu, Mwana Mulugu oliwo.”—Mateu 16:16.
3. Yezu ovanene oli wuvi?
Mmaleli Yezu okwa, iyene ohivenyihiwa ninga anju vina ohiyelela wirimu. Wenewo, ‘Mulugu ohinvuwiha.’ (Filipi 2:9) Ovano, Yezu anju wa ewodhelo.—Mbwenye onetxa ewodhelo ddi Yehova.
KASUNZAVI
Katamela ononelamo ejile eli Yezu vina ekalelani yamakamaka osunza sabwa iyene.
4. Yezu kahiyo Mulugu wa Guru Dhotene
Bibilia onsunziha wi Yezu anju ona guru oli wirimu. Masiki dhawene, iyene onomwiwelela babe Yehova Mulugu. Ninziwa dhavi ejoya? Karumiha VIDIYU wila wone mBibiliani ottiyana oliwo wa Yezu na Mulugu wa owodha wotene.
Malebo anfwarela anonikamihedha ononelamo wi Yehova na Yezu attu ottiyana. Wengese maleboya, mugamala mutanaalele mavuzo anfwarela.
Kengesa Luka 1:30-32.
-
Sabwaya jani mazu a anju agatonyihedhaga wi Yezu na Yehova ‘Namadhulu-dhulu’ kali muttu mmodhene?
Kengesa Mateu 3:16, 17.
-
Mudhidhi obatiziwe Yezu, lizu nadhela wirimu nalogile eni?
-
Weyo onona ninga lizu nttile nali nàni?
Kengesa Joau 14:28.
-
Vamuralani, bani oli munddimuwa vina onttongavo, ddi babi obe mwana?
-
Yezu ohimukuwela Yehova Babani. Ejo ennisunziha eni?
Kengesa Joau 12:49.
-
Yezu onubuwela wi iyene na Babe anoligana? Txini enubuwela weyo?
5. Vizinddiyelo dhinoniha wi Yezu wali Mesiya
Bibilia onologa mavuhulo menji àkamihedhile attu omuziwa Mesiya,— obe oddule omusakulile Mulugu wi avune nlogo na attu. Karumiha VIDIYU wi wone mavuhulo mena akwanihedhile Yezu mudheeliye velaboni ya vati.
Kengesa mavuhulo aba mBibiliani, mugamala mutanaalele mavuzo anfwarela:
Kengesa Mikeya 5:2 wi wone ogabaliwe Mesiya. b
-
Nivuhulo ntti nihakwanihedheya? —Mateu 2:1.
Kengesa Masalmo 34:20 na Zakariya 12:10 Bibilia onologa mukalelo ogakwile Mesiya.
-
Mavuhulo aba ahakwanihedheya? —Joau 19:33-37.
-
Attu anloga wi Yezu olosasanyedhela mavuhuloya wi akwanihedheye mwigumini mwaye. Wonamo wawo, eji ebaribari?
-
Ejo enutonyihedha eni sabwa ya Yezu?
6. Iyo ninopurelamo osunza sabwa ya Yezu
Bibilia onloga wi jamakamaka iyo osunza sabwa ya Yezu vina esile dhittomeliwiye na Mulugu wi akose. Kengesa Joau 14:6 vina 17:3, mugamala mutanaalele nivuzo ntti:
-
Ekaleleni elobo yamakamaka osunza sabwa ya Yezu?
Yezu ofugula dila wila nikale amarho a Mulugu. Iyene ohinisunziha ebaribari mwaha wa Yehova, modhela iyene iyo ninowodha okana egumi ya mukalakala
ATTU ENA ANLOGA WI: “Anamoona a Yehova kanimurumeela Yezu.”
-
Weyo ogalogile dhavi?
OGWADDELA
Yezu anju wa guru, iyene ddi Mesiya vina mwana Mulugu.
Kobuwela Dhisunziliwe
-
Sabwaya jani Yezu agakuweliwa “muttaji wa dhottanddiwa dhotene”?
-
Txini ekosile Yezu ahinatti odha velaboni ya vati?
-
Ninziwa dhavi wi Yezu ddi Mesiya?
TAMELÁ ONONELAMO DERETU
Koona vizinddiyelo dhina dhintonyihedha wi Yezu wali Mesiya.
“Será Que As Profecias Da Bíblia Provam Que Jesus Era o Messias?” (Mitoma dha mu jw.org)
Katamela oziwa akala Bibilia onsunziha wi Mulugu ohimbala Yezu, dhahene ninga mumbalana attu.
“Porque é que Jesus é Chamado Filho de Deus?” (Mitoma dha mu jw.org)
koona sabwaya ya masunzo a amulugu araru mumodhani (Trindade) ohidhelaga mBibiliani.
Kengesa yotagiha ya muyana dhahi otxinjile egumi yaye sabwa ya opepesa enloga Bibilia mwaha wa Yezu.
“Uma Judia Explica Porque Reavaliou a Sua Fé” (Despertai!, Maio de 2013)
a Masunzo 26 na 27 ninele wona sabwaya jani nlogo nigafuna ovuniwa vina Yezu onivunile dhavi.
b Koona Ononelamo Deretu 2 enloga sabwa ya nivuhulo nintonyihedha mudhidhi ogadhile Yezu velaboni ya vati.
