NSUNZO 37
Bibilia Onloga eni Mwaha wa Mabasa vina Kobiri
Weyo wahiromaga okala wodhugudheyene mwaha wa mabasa vina kobiri? Enodhaga okala elobo yorutxa, otamela kobiri obe mabasa mudhidhi wakakene omwebedha Yehova mowakwanamwene. Mbwenye Bibilia ononivaha malago aderetu anwodha onikamihedha.
1. Txini enloga Bibilia sabwa ya mabasa?
Mulugu onfuna wi nagalale na mabasa ankosihu. Bibilia onloga wi ‘kayiwo elo enimuttabiha muttu ehili . . . ojavo dhipuriliye na mabasaye.’ (Kohelét 2:24) Yehova onolaba venjene. Ninfuna nimutagihe Yehova modheela okala anamalaba aderetu, nigakosa dhawene ninele omwagalaliha vina ninele oviwamo deretu.
Olaba elobo yaderetu. Mbwenye kaninfwanyela ottiya wi mabasa akale a makamaka opitta omwebedha Yehova. (Joau 6:27) Iyene ohinipikirela wi nigeeka efunelo yaye vamburoni voroma, onele onivaha enfunihu wi nikalewo.
2. Monelo waderetu mwaha wa kobiri buvi?
Bibilia onologa wi ‘kobiri enowodha ombarela muttu,’ mbwenye vina ononaddela wi kobiri kahiyo elobo yamakamaka enfwanyelihu okana wi nagalale. (Kohelét 7:12) Nona Bibilia aganikokomezaga wi nihikwele kobiri, mbwenye ‘niziveliwena esile dhinihuna.’ (Kengesa Ahebreu 13:5.) Nigakosa ejuwene, kaninakumuwe nubuwelaga wi kaninwodha okana dhinji vina ninorabela okosa mangawu. (Gano 22:7) Ninele ofuruleya mwa yowopiha ya otamelaga okana dhorela momaguva.
3. Ninalabihedhe dhavi kobiri wi nakamihedhena attu ena?
Yehova, Mulugu wotapuwa mada, nona iyo ninomutagiha iyene nigakala attu otapuwa mada vina nigakala ‘omala na wale wi navahe attu ena esile dhinihuna.’ (1 Timóteo 6:18) Ninowodha okosa ejuwene modhela okamihedha mulogo vina wakamihedha abale anjombeliwa, ttabwa-ttabwa abalihu. Yehova kanang’anetxa ejile eninvayihu muttuya, mbwenye ennittukulela onvaha. Nigakala attu ovaha na murima wotene, ninele wagalala vina ninele omwagalaliha Yehova.—Kengesa Merelo 20:35.
KASUNZAVI
Koona mwahaya onanittukulele wika mabasa vamburoni vawa vina wagalala na ejile enihuna.
4. Mukalelo onlabiwe onele omuttittimiha Yehova
Omarho wehu na Yehova onofwanyela opatta moonelo wehu mwaha wa mabasa. Karumiha VIDIYU, mugamala mutanaalele mavuzo aba.
-
Mvidiyuni, txini yutikinihile mwaha wa mweddelo wa Jona omabasani?
-
Iyene okosile eni wi eke mabasa vamburoni vawa-vene?
Kengesa Kolosi 3:23, 24, mugamala mutanaalele nivuzo ntti:
-
Ekaleleni yamakamaka iyo okala anamalaba aderetu?
Olaba elobo yaderetu. Mbwenye kaninfwanyela ottiya wi mabasa akale a makamaka opitta omwebedha Yehova
5. Oziveliwana dhinihuna ononidhelana wagalala
Attu enji antameletxa okana kobiri dhowinjiva. Mbwenye Bibilia ononikokomeza ohikosa ejuwene. Kengesa 1 Timóteo 6:6-8, mugamala mutanaalele nivuzo ntti:
-
Bibilia onnikokomeza okosa eni?
Masiki nihikanaga dhinjidhene, enowodheya wagalala. Karumiha VIDIYU, mugamala mutanaalele nivuzo ntti.
-
Masiki ahikanaga kobiri yinjene, txini yattiya murala obu wowagalalene?
Akala iyo nihikana, ninofunavi okanetxa? Yezu wahiloga musibo watonyihedha wopiha wa okosa ejuwene. Kengesa Luka 12:15-21, mugamala mutanaalele nivuzo ntti:
-
Txini esunziliwe vamusiboni wa Yezu? —Koona versu 15.
Kengesa Gano 10:22 vina oladdanihe na 1 Timóteo 6:10. Mugamala mutanaalele mavuzo aba:
-
Txini enubuweliwe elitxi yamakamaka? Okala marho wa Yehova obe okana kobiri gwé? Sabwaya jani?
-
Muttu agatamelaga okana kobiri gwé, makattamiho gani txino anadhiye ogumanana?
6. Yehova onele onivaha dhinnijombela
Ozuzumeletxa kobiri na ganyo enodhaga weha omuroromela wehu Yehova. Karumiha VIDIYU wi wone enfwanyelelihu okosa nigakaana dhozuzumiha ninga esi. Mugamala mutanaalele mavuzo aba
-
Mvidiyuni, makattamiho gani agumanilena mbali?
-
Iyene okosile eni wi akwaranye makattamihoya abale?
Kengesa Mateu 6:25-34, mugamala mutanaalele nivuzo ntti:
-
Bibilia onapikirela eni abale animwika Yehova vamburoni voroma?
ATTU ENA ANLOGA WI: “Miyo ddinofwanyela olaba wi ddasapele amudhaga. Kaddinfwanyela odhowaga omatugumanoni sumana dhotene.”
-
Nlebo gani na Bibilia ninukuluveliha wi wika omwebedha Yehova vamburoni voroma yogana yaderetu?
OGWADDELA
Olaba vina kobiri dhilobo dhamakamaka, mbwenye kaninfwanyela ottiya wi dhilobo esi dhizuzumihe mabasa animukoselihu Yehova.
Kobuwela Dhisunziliwe
-
Txini enawukamihedhe okana moonelo waderetu sabwa ya mabasa?
-
Ekaleleni yaderetu wagalalaga na esile dhinihuna?
-
Onatonyihedhe dhavi wi onokuluvela nipikirelo na Yehova na okamihedha dhojombeliwa dha nlogo naye?
TAMELÁ ONONELAMO DERETU
Bibilia onologa wi kobiri elobo yabure?
“Será que o dinheiro é a raiz de todos os males?” (Mitoma dha mu jw.org)
Kasunza mukalelo onfwanyelihu okala anamavaha wi nimwagalalihe Mulugu.
“O que é que a Bíblia Diz Sobre o Ato de Dar?” (Mitoma dha mu jw.org)
Okosa mugunddu mavego bahi?
“Será que há Algo de Errado—na Jogatina?” (Despertai!, Março de 2015)
Koona elobo emukamihedhile mulobwana dhahi ottiya okosa mugunddu vina wiya.
“Eu era apaixonado por corridas de cavalo.” (A Sentinela, 1.º de Novembro de 2011)
