NSUNZO 40
Ninawodhe Dhavi Okala Wokoddela Vamentoni va Yehova?
Kamubuwele mambali wokwela onimusasanyedha mwanaye wi adhowe oskola. Iyene onomwang’ana mwanayeya akala oli wokoddelene vina akala guwodhayedha sokoddeladhene. Ejo enomukamihedha mwanaya okana egumi yaderetu vina wawoniha attu ena wi amambalaye anomuzuzumela. Dhahene ninga amambali anfuna wi mwanawa akalege wokoddelene, Babihu Yehova vina onfuna wi nikaanege oyesa—vina nikane mubuwelo wokoddela. Okana oyesa elobo yaderetu vina ninomuttittimiha Yehova.
1. Ninawodhe dhavi okala attu oyesa?
Yehova ononaddela wi: ‘Nikale okoddela.’ (1 Pedro 1:16) Wi nikale okoddela ninofwanyela okana oyesa womaningoni vina wa muyubuweloni. Enowodheya iyo okana oyesa womaningoni modhela ohabaga malabo otene, ofulaga guwo, okuputtaga vatakuluvihu vina na karo yehu. Enowodheya vina okamihedha okuputta Onyumbani ya Omwene. Nigakala attu oyesa ninomwagalaliha Yehova.—2 Korinto 6:3, 4.
2. Wi nikale attu okoddela dhilobo gani dhinfwanyeelihu orabela?
Bibilia onloga wi ‘ninofwanyela ovikuputta dhokwaruliha dhotene dhomaningoni na dhomuyani.’ (2 Korinto 7:1) Ejo entapulela wi iyo ninofwanyela ovilibihedha wi nirabele dhilobo dhigatakalihile nningo vina mubuwelo wehu. Ninfuna wi dhubuwelo dhehu dhimwagalalihe Yehova, nona ninofwanyela okosa guru wi nittawe dhubuwelo dhabure. (Masalmo 104:34) Ninofwanyela vina ovilibihedha wi mazu ehu akale oziva.—Kengesa Kolosi 3:8.
Dhilobo gani dhina dhigadhile onitakaliha mpaddi womaningoni? Mirobwe dhina dhinodhaga ononga maningo ehu. Nona, kaninja fola obe mirobwe dhinnonga ogogo. Sabwa ya okosa ejuwene ninokana egumi yaderetu vina ninotonyihedha wi ninovaha ttima nvaho wa egumi. Ninawodhe okana mubuwelo wokoddela modhela owanana dhilemelelo dhonyakuwa, ninga ovitxatxela na wawona attu bali yovi. (Masalmo 119:37; Éfeso 5:5) Masaka mena enokala elobo yorutxa ottawa dhilemelelo esi, mbwenye Yehova ononikamihedha okosa ejuwene.—Kengesa Izaiya 41:13.
KASUNZAVI
Koona wi nigakala okoddela ninomuttittimiha Yehova, vina koona marhe ananikamihedhe owanana dhilemelelo dhonyakuwa.
3. Okoddela mpaddi womaningoni onomuttittimiha Yehova
Nigengesaga sabwa ya malamulo a Yehova avahiliye nlogo na Izrayel ninonelamo wi iyene onfuna wila nlogo naye nikale nokoddelene. Kengesa Obudduwa 19:10 na 30:17-19, mugamala mutanaalele mavuzo aba:
-
Malebo aba antonyihedha eni mwaha wa monelo wa Yehova wa ovikoddeliha mpaddi womaningoni?
-
Dhilobo gani dhinawukamihedhe okala wokoddela mpaddi womanigoni?
Enofuneya okosa guru vina otamela mudhidhi wi nikalegevi okoddelene mpaddi womaningoni. Enowodheya okosa ejuwene nihitanaalaga mburo onkalihu obe akala nareli obe nayelegi. Karumiha VIDIYU, mugamala mutanaalele nivuzo ntti.
-
Ninamuttittimihe dhavi Yehova mmabasani a olaleya, dhilobodhihu dhigakala dhokoddeladhene?
4. Kapemberha dhilemelelo dhabure
Yehova onodhaga wukamihedha opemberha dhilemelelo dhabure
Akala weyo onoja fola obe onoja mirobwe dhinnonga ogogo, onoziwa wi jorutxa opemberha dhilemelelo dhabure. Txini enawukamihedhe? Koona mukalelo ompatteya egumi yawo na elemelelo ejo. Kengesa Mateu 22:37-39, mugamala mutanaalele makani anfwarela. Oja fola na mirobwe dhinnonga ogogo dhimputtula dhavi . . .
-
mandano anna muttu na Yehova.
-
anamudhi aye vina attu ankala na iyene.
Kakosa masasanyedho anawukamihedhe opemberha dhilemelelo dhabure. * Karumiha VIDIYU.
Kengesa Filipi 4:13, mugamala mutanaalele nivuzo ntti:
-
Okana elemelelo ya olobela, omusunza Bibilia vina otugumanaga enawodhe dhavi onvaha muttu guru wi apemberhena dhilemelelo dhabure?
5. Kawanana dhubuwelo vina dhilemelelo dhabure
Kengesa Kolosi 3:5, mugamala mutanaalele mavuzo aba:
-
Ninziwa dhavi wi wawona attu bali yovi, sexting na ovitxatxela dhilemelelo dhonyakuwa vamentoni va Yehova?
-
Weyo onona ninga enowodheya iyo okala attu okoddela dhahene ninga munnifunana Yehova? Sabwaya jani?
Koona marhe anawukamihedhe owanana dhubuwelo dhabure. Karumiha VIDIYU.
Yezu wahilabihedha yotagiha wi anitonyihedhe wila enowodheya okana mubuwelo wokoddela. Kengesa Mateu 5:29, 30, mugamala mutanaalele nivuzo ntti:
-
Yezu kalogile wi ninofwanyela ovivoreya nanya, ottiya ejo iyene ohinikokomeza okosa elobo-txilobo. Dhilobo gani dhinfwanyelela okosa muttu wi arabele dhubuwelo dhabure? *
Akala weyo onowanana wi opemberhe dhilemelelo dhabure, Yehova onovaha ttima guru dhinkosiwe. Kengesa Masalmo 103:13, 14, mugamala mutanaalele nivuzo ntti:
-
Akala weyo onokana makattamiho a opemberha dhilemelelo dhabure, malebo aba anokamihedhe dhavi odhowavi bugawanana?
Kalela ntidi!
Muttu ageyelela okosa elemelelo enwaniyena wi attiye, txino onodhaga wubuwela: ‘Miyo ddittabwa, kaddinawodhe-wene.’ Kobuwela dhahi: Akala namattamaga onokakattuwa nanda bamotta, ejo kintapulela wi iyene ohiyelela mavurhanoya, obe kintapulela wi iyene onofwanyela wiyelela mundduni wi arome wili. Na mukalelo wakakene, akala ninowiyelela okosa dhilemelelo dhabure dhinwanihuna wi nikwaranye, ejo kintapulela wi ninofwanyela wiyelela mundduni, wila nirome. Wiyelela okosa esile dhinwanana iyo—enopadduwa. Mbwenye, Kuwiyelele mundduni! Na nikamihedho na Yehova weyo onele owodha opemberha elemelelo yabure.
ATTU ENA ANLOGA WI: “Ddimala olemela. Kaddinwodha ottiya.”
-
Nlebo gani na Bibilia nigalabihedhiwe wila otonyihedhe wi na nikamihedho na Yehova enowodheya opemberha elemelelo yabure?
OGWADDELA
Nigavilibihedhaga okoddeliha maningo ehu, mubuwelo wehu na merelo ehu ninomwagalaliha Yehova.
Kobuwela Dhisunziliwe
-
Ekaleleni yamakamaka okala attu okoddela mwa dhipaddi dhotene?
-
Weyo onawodhe dhavi okala wokoddela mpaddi womaningoni?
-
Onawodhe dhavi okoddeliha merelo na mubuwelo wawo?
TAMELÁ ONONELAMO DERETU
Dhilobo gani dhinakosiwe wi okalevi okoddelene masiki bulivi muyelegi?
Koona monelo dhina dhinawukamihedhe ottiya ofumari.
Kasunza dhodhelavodha sabwa ya wawonaga attu bali yovi.
“Pornografia—Inofensiva ou mortífera?” (A Sentinela, 1.º de Agosto de 2013)
Koona emukamihedhile mulobwana dhahi ottiya elemelelo ya wawonaga attu bali yovi.
“Depois de muitas tentativas, finalmente consegui” (A Sentinela, N.º 4 de 2016)
^ Wi wone monelo dhina dhinawukamihedhe owanana elemelelo yabure koona mpaddi wa “Tamelá Ononelamo Deretu,” mutoma: “Como parar de fumar.”
^ Wi wone enawukamihedhe owanana elemelelo ya ovitxatxela, koona mutoma “Como posso vencer o mau hábito da masturbação?” wa nivuru Os Jovens Perguntam—Respostas Práticas, Volume 1, capítulo 25.
