NSUNZO 44
Mattanga Otene Anomwagalaliha Mulugu?
Yehova onfuna wi iyo nikale attu owagalala vina nikaane mudhidhi wovega. Egali dhawene mattanga otene anomuzivela? Ninawodhe dhavi omutonyihedha Yehova okwela wehu sabwa ya makani aba?
1. Sabwaya jani mattanga menji kanimwagalaliha Yehova?
Weyo txino onele otikina venevo vanaziwiwe wi mattanga menji, andela mmasunzihoni anloga Bibilia wi anowiwanana na masunzo a marelijiau ottambi. Mattanga aba txino anowiwanana na ologa na muya obe masunziho anloga wi muttu agakwa onokalawovi. Mattanga mena anowiwanana na vitxirapi vina na dhowireya dhimalile opimeleliwa na wale. (Izaiya 65:11) Yehova onowawaddela emeleli aye: ‘Ttiyani okala na attu abo arabelani kamuttidde dhokwaruliha.’—2 Korinto 6:17. a
2. Yehova oniwamo dhavi agonaga mattanga anattittimihetxa attu?
Yehova ononaddela wi nihigwele vamuregani wa ‘omuroromeletxa muttu mukwehu.’ (Kengesa Jeremiya 17:5.) Mattanga mena, yiteliwe wattittimihana attu ninga anyakoddo obe alamuleli. Menagu anttittimiha elabo. (1 Joau 5:21) Oku mena adhagana mubuwelo wa politika. Weyo onona ninga Yehova oniwamo dhavi aganonaga nittabelaga mattanga aba anattittimiha attu obe miparha dhinakamihedha attu okosa dhilobo dhihiniwanana na efunelo yaye?
3. Vahikala ottiyana mwaha wa monelo wa attu ena sabwa ya mattanga?
Bibilia onokoddiha ‘olezela, na ottabwiha oja nomwa.’ (1 Pedro 4:3) Mmattangani mena attuya kanvyag’anela vina anofiyedha okosa dhilobo dhonyakuwa. Wila nikale amarho a Yehova ninofwanyela orabela dhilobo dhinkwaruliha.
KASUNZAVI
Koona enakosihu wi nimwagalalihe Yehova vina okosa dhogana dhaderetu mwaha wa oja obe ohija mattanga.
4. Katxatxama mattanga animusilidha Yehova
Kengesa Éfeso 5:10, mugamala mutanaalele mavuzo aba:
-
Dhilobo gani dhinfunihu ononelamo akala nintamela oja mattanga?
-
Mattanga gani ankosiwetxa mmuruddani mwawo?
-
Onona ninga mattanga aba anomwagalaliha Yehova?
Motagiha, wahiromaga ovivuza sabwa ya ejile eniwamo Mulugu mwaha wa ottabela mattanga obaliwa? Bibilia kanimuloga nne mwimeleli mmodha wa Yehova waromilege okosa mattanga obaliwa waye. Attu eli analoga Bibilia aromile oja mattanga obaliwa, kamulabela Mulugu. Kengesa Wita 40:20-22 na Mateu 14:6-10. Mugamala mutanaalele mavuzo aba:
-
Dhilobo gani dhipadduwile vamattangani aba omeli?
-
Mowiwanana na Bibilia, txini enubuwela Yehova mwaha wa mattanga aba obaliwa?
Txino onovivuza, ‘Yehova onowikela konta akala ninoja mattanga obaliwa obe mattanga mena ahiniwanana na esile dhinsunziha Bibilia?’ Kengesa Obudduwa 32:1-8. Karumiha VIDIYU mugamala mutanaalele mavuzo aba.
-
Ekaleleni yamakamaka okana ebaribari mwa ejile enimwagalaliha Yehova?
-
Ninawodhe dhavi okosa ejoya?
Ninawodhe dhavi oziwa mattanga animusilidha Mulugu?
-
Anowiwanana na masunziho ahinda mBibiliani? Katamela ononelamo witiwe mattangaya.
-
Enattittimihetxa attu, miparha obe elabo? Iyo ninomuttittimiha Yehova opitta dhotene vina ninokuluvela wi iyene onele ogomiha makattamiho otene a mwilaboni.
-
Dhilobo dhinkosa attu mmattangani aba dhinowiwanana na esile dhinsunziha Bibilia? Ninofwanyela okala wokoddelene dhipaddi dhotene.
5. Kakamihedhe attu ena ononelamo yogana yawo
Enodhaga okala elobo yorutxa okodda ogadideliwaga na attu ena wi oje mattanga aba animusilidha Yehova. Na nriho vina ovilela kawaddele yogana yawo. Wi wone yotagiha yokosa ejuwene, karumiha VIDIYU.
Kengesa Mateu 7:12, mugamala mutanaalele mavuzo aba:
-
Mowiwanana na nlebo ntti, egahikala elobo yaderetu wadidela anamudhi awo ohija mattanga anfunani?
-
Onawodhe dhavi watapulelamo anamudhi awo wi masiki ohijaga mattanga na awene kintapulela wi kunakwela?
6. Yehova onfuna wi iyo nagalale
Yehova onofuna wi nikane mudhidhi wowaredha na anamudhi vina na amarho ehu. Kengesa Kohelét 8:15, mugamala mutanaalele nivuzo ntti:
-
Nlebo ntti nintonyihedha dhavi wi Yehova onfuna wi nagalale?
Yehova onfuna wi emeleli aye avege vina akaane mudhidhi waderetu mumodhani. Karumiha VIDIYU wila ononelemo mukalelo onzinddiyeliwa ejiya mmatugumanoni ehu a ttattamwa.
Kengesa Galásia 6:10, mugamala mutanaalele mavuzo aba:
-
Ninofwanyela oja mattanga anjani wi nawagalalihe?
-
Txini egawuttiyile owagalalene—ovaha nvaho sabwa yokala labo na mattanga obe ovaha labo-labovi ninfuniwe?
-
Anamoona a Yehova anowasasanyedhela aniwa mattanga mang’onovi wi avahe mivaho labo nihili na mattanga. Akala okana ayima, dhilobo gani dhigaziveliwiwe wakosela?
ATTU ENA ANLOGA WI: “Oziwa witeyile mattangaya kahiyo yamakamaka, yamakamakaya okala vamodha na anamudhi vina amarho.”
-
Ogalogile dhavi?
OGWADDELA
Yehova onfuna wi nikane mudhidhi waderetu na anamudhi vina amarho. Onfuna vina wi nihijege mattanga animusilidha.
Kobuwela Dhisunziliwe
-
Mavuzo gani ananikamihedhe oziwa mattanga animusilidha Yehova?
-
Ninawodhe dhavi wakamihedha anamudhi vina amarho ehu wi anonelemo sabwaya ehinjelihu mattanga?
-
Ninziwa dhavi wi Yehova onfuna wi nagalale vina nikane mudhidhi wovega?
TAMELÁ ONONELAMO DERETU
Koona mattanga menaguwa ahinja Akristu.
“Porque é que as Testemunhas de Jeová não comemoram certos feriados?” (Mitoma dha mu jw.org)
Koona mwaha minai dhinoniha wi mattanga obaliwa anomusilidha Mulugu.
Koona mukalelo onwodha aima animukwela Yehova, omuttittimiha mudhidhi onjiwa mattanga ottabelana omagomo wa yaka.
Akristu matxikwi na matxikwi ahigana ohija mattanga a natali. Awene anonamo dhavi mwaha wa yogana eji?
“Eles encontraram algo melhor” (A Sentinela, 1 de Dezembro, 2012)
