Ddili Womala na Wale?
Ddili Womala na Wale wi DdalaleyeVamodha na Mulogo?
Enowodheya weyo okala namalaleya wohibatiziwa . . .
Ogamusunzaga Bibilia, ogalobelaga vina ogahijombage omatugumanoni.
Ogakwelaga ebaribari, ogarumelaga na murima wotene vina ogafuna wawaddela attu ena sabwa ya Bibilia.
Ogamukwelaga Yehova vina ogaasakulaga amarho animukwela.
Akala kunkosa epaddi ya marelijiau ottambi obe nikuru na politika.
Akala merelo awo anowiwanana na ejile enloga Yehova wi jaderetu vina akala onofuna okala Munamoona wa Yehova.
Akala oli womala na wale wi olaleye na mulogo, namasunziha wawo wa Bibilia onele ologa na anddimuwa a mmulogoni wila atugumane wi yone akala onofwanyelela okala namalaleya ohibatiziwa.
Ddili Womala na Wale wi Ddibatiziwe?
Enowodheya weyo obatiziwa akala . . .
wa namalaleya ohibatiziwa.
Akala onobudduwa mmabasani olaleya, mowiwanana na mikalelo dhawo.
Akala onokamihedha vina onofwarha mashagiho a “mwimeleli wororomeleya vina wamalago.”—Mateu 24:45-47.
Akala omala oviperheka wa Yehova na nlobelo vina ogafuna omulabela iyene egumi yawo yotene.
Ogona wi oli womala na wale wi obatiziwe, namasunziha wawo wa Bibilia onele ologa na anddimuwa a mmulogoni wi atugumane wila yone akala onofwanyela okala Munamoona wa Yehova.
