Muromiliwe kursu eji mpaka ovanene weyo ohisunza dhilobo dhinjene mwaha wa Yehova. Dhilobo dhisunziliwe dhihenjedhedha okwela oniwena na iyene, txino oviperheka vina ofiyedha obatiziwa. Akala kunakosa ejuwene, txino onowubuwela ottukula ttarho eji wi obatiziwe momaguva. Mbwenye wunuwa wawo mpaddi womuyani kungoma ogabatiziwa, onofwanyela odhowavi bugalibiha mandano awo na Yehova na mukalakala. Onawodhe dhavi?

1. Onfwanyelela eni odhowavi bugalibiha mandano awo na Yehova?

Ninofwanyela ovilibihedha wi nidhowe nilibihaga mandano ehu na Yehova. Sabwaya jani? “wi ninapupuruwe” obe wi ninakale wolapela na iyene. (Ahebreu 2:1) Txini enanikamihedhe omulabela Yehova ororomeleyene? Enofuneya ovilibihedha mmabasani olaleya vina otamela marhe owenjedhedha mabasa animukoselihu Yehova. (Kengesa Filipi 3:16.) Omulabela Yehova elobo yamakamaka enfwanyelihu okosa mwigumini mwehu!—Masalmo 84:10.

2. Txini enfwanyelihu odhowa banigakosavi?

Masiki vangomihiwe kursu eji ya nsunzo na Bibilia, omulabela wawo Yehova onelege odhowavi. Bibilia onologa wi ‘ninofwanyelela ottukula mukalelo wa omuttu oswa,’ kuloga nitagihe omuttu wa Yehova mpaka vanwodhelihu. (Éfeso 4:23, 24) Nona kadhowagavi bugamusunza Bibilia vina otugumanaga. Nigadhowavi nisunzaga dhilobo dhiswa sabwa ya Yehova vina mikalelo dhaye nikosaga matxinjo mwigumini mwehu, ninele wagalaliha murima wa babihu Yehova.

3. Yehova onawukamihedhe dhavi wi okalegevi marho waye?

Bibilia onloga: “Mulugu onowulibihani, onowuwaralihani, onowimetxani pwi.” (1 Pedro 5:10) Iyo notene ninofwanyiwa manyengetto. Mbwenye Yehova onivaha guru enfunihu wi nikale oweddeyana na iyene. (Masalmo 139:23, 24) Yehova onopikirela onivaha guru dhinfunihu wi nidhowegevi banigamulabela.—Kengesa Filipi 2:13.

 KASUNZAVI

4. Kuttiye ologa na marho wawo wokweleya

Olobela na omusunza Bibilia onele wukamihedha okala marho a Yehova. Dhilobo esi dhinawukamihedhe dhavi onfiyedhagavi iyene?

Kengesa Masalmo 62:8, mugamala mutanaalele nivuzo ntti:

• Wi olibihe mandano awo na Yehova, onawodhe dhavi osasanyedha malobelo awo?

Kengesa Masalmo 1:2, mugamala mutanaalele nivuzo ntti:

• Wi ovaddihe mandano awo na Yehova, onawodhe dhavi osasanyedha wengesa wawo wa Bibilia?

Onawodhe dhavi okosa nsunzo nawo nomwinya na mukalelo wofwanyelela? Koona monelo dhina, karumiha VIDIYU, mugamala mutanaalele mavuzo aba.

• Txini yonile weyo mvidiyuni egafuniliwe olabihedha?

• Mitoma gani dhigaziveliwile weyo osunza?

 OGWADDELA

Kadhowavi ovaddihaga mandano awo na Yehova vina okana dhogana dhomuyani. Ogakosa dhawene onele ojavo egumi yamukalakala!

Kobuwela Dhisunziliwe

• Onakane dhavi ebaribari wi Yehova onele wukamihedha omulabelagavi wororomeleyene?

• Onawodhe dhavi olibiha mandano awo na Yehova?

• Okana dhogana dhomuyani dhinalibihe dhavi mandano awo na Yehova?