Onawodhe dhavi opurelamo masunziho a kursu eji ya mBibiliani
Mwari mwa nikuku ntti muhikala monelo wa kursu eji. Ogamala wengesa nikuku ntti karumiha VIDIYU.
EPADDI YOROMA
Wila osasanyedhe deretu nsunzona, karoma wengesa epaddi yoroma. Mavuzo apintariwe (A) vina malebo (B) kudduwale wi malebo mena akana ezinddiyelo ya “kengesa.”
EPADDI YANAWILI
Omaromo wene (C) Mutxiddo mwa Kasunzavi, onele ofwanya ogwaddeliwa wa nsunzona. Mitoma dhamakamaka (D) onele ofwanya mitoma dhamakamaka dhisekeseriwe. Vamodha na namasunziha wawo, kengesani malebo, mwakule mavuzo vina mone vidiyu.
VIDIYU mwari mwa nsunzo nimodha-nimodha onele ofwanya kasha entonya vidiyu munfwayeya miselu dhina dhintameliwe. Mavidiyu mena, anloga mapadduwo a ebaribari menagu malagiho bahi. Kuloga attuya alotagiha ninga mupadduwelani wila anonihedhemo makaniya.
Musekeserhe mafoto mowiwanana na esile dhintapulelani (E), vina mutanalele dhowakula dhina ezinddiyelo eji: attu ena anloga wi (F).
EPADDI YOMARIHA
Epaddi yomariha ya nsunzona onele ofwanya dhipaddi esi: Ogwaddela na Kobuwela Dhisunziliwe (G) olebele siku nigomihile weyo nsunzona. Epaddi ya Yogana (H) onele wona malago anfwanyeliwe wimetxa. Epaddi ya tamelá ononelamo deretu (I) onele wona miselu dhowenjedhedha dhinaukamihedhe otamelavi makani anfuniwe wengesa obe wona.
Dhilimo
|
|
|
|
Onawodhe dhavi ofwanya nlebo mBibiliani mwawo?
Bibilia ona manivuru 66 mang’ono. Ogawiwe dhipaddi bili: Malebo a Ebraiku-Aramaiko (“Nipagano na Wale”) na Malebo a Egregu a Okristu (“Nipagano Niswa”).
Malebo a mBibiliani anromoliwa mukursuni eji, anzinddiyeliwa na nzina na nivuruna na Bibilia (A), enfwarela kapitulu (B), ngamala versu obe maversikulu (C).
Ninga motagiha, Joau 17:3 kuloga nivuru na Joau, kapitulu 17, versu 3.
