Adamu na Eva ahikaana, aima venevo attu ahinjivana velaboni ya vati. Na ovira wa mudhidhi, angelo ena ahivitaganyiha mwa ovaanya wa Satana.

Awene ahidha velaboni ya vati nanda babala maningo a omuttu wila aatele ayana. Ayana abale ahabaala ana andimuwa vaddiddi vina a wopiya nanda a guru.

Mwilaboni mwahidhala attu akosa dhobure. Bibilia onloga ‘obure wa attu ottabwa mwilaboni, mobuwelo na dhaunlela dhawa dhali dh’oburevi.’

Nowé wali muttu woligana murima. Yehova wahimpanga Nowé yawila wanfuna watolotxa attu abure na mpulo munddimuwa.

Mulugu vina wahimpanga Nowé wila aseme mwanddiya munddimuwa obwene watxemerhiwa pangaya, wila ekemo murala waye vina dhinama dhotene dha malogo otene.

Nowé wahalaga attu odha wa mpulo, mbwenye awene keweleli. Ena ela omuteya; nanda ena vina omwiddaga.

Mumaleliye omusema pangayaya, Nowé wahikamo dhinama.