EPADDI 1
Nininvuruwana Dhavi Mulugu?
Mulugu onloga na iyo modheela Bibilia. 2 Timóteo 3:16
Mulugu webaribari ohaweeddiha attu wila alebe nivuru naye nokoddela. Nttene nintxemerhiwa Bibilia. Nivuru ntti, nihikaana miselu dha ttima, esene dhinfuniye wila weyo oziwe.
Mulugu onoziwa ejile eli yapama wa iyo, vina ddi iyene oli nipara na zelu yotene. Oganvuruwana onele okana zelu txibarene.—Gano dh’olelana 1:5.
Mulugu onfuna wila attu otene velaboni ya vati amwengese Bibilia. Oddu onowengesiwa mu dhilogelo dhinjidhene.
Ogafuna onvuruwana Mulugu, onofanyeela omwengesaga vina omunonelamo Bibilia.
Mateu 28:19
Ozugunuwa elabo yotene attu anonvuruwana Mulugu.Anamona a Yehova podi wukamiha omunonelamo Bibilia.
Awene anosunziha ebaribari ya Mulugu ozugunuwa elabo yotene.
Weyo kumpitxela elo masunziho aba. Weyo vina podi osunza dha Mulugu mu Numba ya Omwene ya Anamona a Yehova waddamana na vatakuluvawo.