Abale Akwile anele Wiyelela Okalawo?
Weyo ogalogile . . .
-
indde?
-
nne?
-
elobo yina?
TXINI ENLOGA BIBILIA
‘Onele okalawo ovenyihiwa mukwani’.—Merelo 24:15, Bíbilia—Malebo Okoddela.
EJO ENATAPULELE ENI WA WEYO
Ntto nikuluvelo na muttu wokweleya agakwa.—2 Korinto 1:3, 4.
Okwa kunopihege viina.—Ahebreu 2:15.
Njeedhelo nebaribari na ogumana wili na abale akwile.—Joau 5:28, 29.
NINOFANYEELA TXIBARENE ORUMEELA ENLOGA BIBILIA?
Indde, ngafuna na sabwa ttaru:
-
Mulugu ddi muttanddi wa egumi. Bibilia onomwittana Yehova ‘nipara na egumi.’ (Masalmo 36:9; Merelo 17:24, 25) Oddule ottanddile dhotedhene dhiina egumi onowodha wiyihedha egumi ya muttu okwile.
-
Nsaka na mundduni Mulugu wahavenyiha aliba okwa. Bibilia onolagiha yopadduwa ya attu atanu na araru—azombwe, awuluvali, alobwana, vina ayana—avenyihiwe mukwani. Enaya akwile mwa mudhidhi mug’onovi, mbwenye mmodhaya ahivira malabo mararu bakwilevi!—Joau 11:39-44.
-
Mulugu onoziveliwa wi eyelele yakakene. Yehova onowidda okwa; onoona ninga mwiddani waye. (1 Korinto 15:26) Iyene ‘okaana efunelo’ ya omutolotxa mwiddani oddu, onele ogomiha okwa modheela wavenyiha abale akwile. Onfuna wi adhena wili abale ali muyubuweloni mwaye vina aattiye wi akalewo mwilaboni dila biili.—Job 14:14, 15.
WI NITANAALE SABWAYA
Enowodheya Weyo Vina Oziveliwana
MASUNZIHO A TTIMA A MBIBILIANI
Txini Empadduwa Muttu Agakwa?
Bibilia onloga wi ninofiya nsaka ninfuna ovenyihiwa attu enjene mukwani dhahene ninga mwavenyihedhiwe Lazaro.
NILI ANI
Ninimusunzelani Bibilia?
Bibilia onovaha makulo a mavuzo manddimuwa a mwigumini attu matxikwi na matxikwi orugunuwa elabo yotene.Ogahiziveliwa okala mmodha wa abene?
MASUNZIHO A BIBILIA
Karoma Weha Kursu Yehu ya Bibilia
Kakana kursu ya masunzo a Bibilia ohipitxeliwa na namasunziha, mumodhani.
