Mapadduwo amakamaka a mBibiliani:

• Koh 12:​1-8—Na mazu a poweziya Mwene Salomau onotapulelamo makattamiho meena aneteya sabwa ya oredda obe wuluvala, ninga ohiwodhaga woona pama (ayana anang’ana vajanelani anona eddima) vina ottiya wiwa (ana a jibo anowobana)

Mapadduwo amakamaka a mBibiliani:

• 1Sam 12:​2, 23—Muluvali namavuhulela Samuwel, wahiziwa wi yali yamakamaka iyene odhowavi alobelelaga nlogo vamentoni va Yehova

• 2Sam 19:​31-39—Mwene Davidi wahitamalela vaddiddi nikamihedho nanvahile muluvali Barzelai, mbwenyi Davidi mmukumbirhiliye Barzelai wi akose elobo yakwaranya guru dhaye, iyene ohilagiha ovipimelela mwa ononelamo vagomela guru dhaye

• Masal 71:​9, 18—Mwene Davidi wannova venjene ohilabihedhiwa na Yehova mwaha wa yimo yaye, nona wahilobela akumbirhaga guru wi awodhe wasunziha attu anadhegewo mwaha wa Yehova

• Lk 2:​36-38—Namavuhulela Ana wali mamukwela wa muluvali ohirurihiwa, mwaha wa omwebedha waye Mulugu n’ororomeleya

Mapadduwo amakamaka a mBibiliani:

• Wita 12:​1-4—Abramu banna vyaka 75 dhobaliwa wahittomeliwa mabasa adhile osaddula egumi yaye yotene

• Dan 10:​11, 19; 12:13—Anju mmodha odha omona namavuhulela Daniyel banna okwaranya vyaka 90, ohimulibiha wi iyene wali wattima vamentoni va Yehova vina agahittuveliwa sabwa ya ororomeleya waye

• Lk 1:​5-13—Yehova wahikosa ntikiniho vina oharhuriha awuluvali Zakariya na Elizabeti, àwodhihaga ombala mwanawa, Joau

• Lk 2:​25-35—Yehova wahinvaha muluvali Simeau gari ya omona mwana agakalile Mesiya, vina Simeau ohivudheleliwa ovuhulela mwaha wa mwanayá

• Mer 7:​23, 30-36—Namavuhulela Mizé banna vyaka okwaranya 80 dhobaliwa, Yehova wahimuttomela okala musogorheli wa nlogo Naye, Izrayel

Mapadduwo amakamaka a mBibiliani:

• Wita 45:​9-11; 47:12—Jozé wahimukuweliha babe Jakob wali muluvali vina wahimukoya ofiyedha okwa waye

• Ruti 1:​14-17; 2:​2, 17, 18, 23—Ruti wahimukamihedha muyana wa kalaba, Nowemi, na mazu vina merelo

• Jo 19:​26, 27—Yezu akwaga vapingirhizini ya goyi, wahimukumbirha murumiwi waye wokweleya Joau wi amukoye maye