Masiku abale Mwene Augusto wa Elabo ya Roma, olamula wila attu otene ali Ayuda a elabo yaye alebeliwe. Sabwa ya ejuwene, José na Maria ahiyelela o Belemi, wali nihimo na Joséya. Nali nsaka naddamela Maria okaana mwana.

Mfiyedhani o Belemi, adhowile osama muttangani mwa dhinama sabwani koonile mburo mwina. Pu mweneno mwabaliwe Yezu. Maria ompopotterha mwanayeyá na guwo omugunantiha munigulani.

Mattiyu abale, wahikala akumbuzi ajiha mabila awa vatamuni waddamela o Belemi. Adheliwa mungelo morurumutxa-mwene, txeza ya Yehova ehamoneya. Akumbuzi varomilani ogurumela, anju oawaddela eraga: ‘Kamove! Miyo ddidhilena muttaka wapama. Ddabuno Mesiya obaliwa o Belemi.’ Mudhidhi wakakene odhulu  ohoneya angelo gwé akuwa dhahi: “Mulugu athithimihiwe wirimu, vati apano osanzaya okale na athu anakweliye.” Nomala angeloya arimelawo. Akumbuzi akosile eni?

Akumbuzi aroma ologa oka-oka: ‘Ndowenito o Belemi ovanene.’ Avenya adhowa momaguva, anfwanya José na Maria na mwaniwa bagunantile mu nigulani.

Attu otene ewa yawaddeli angelo akumbuzi antikina. Maria wanubuwela mazu etene alogile anju, txipu kadduwalile. Nomala akumbuzi ahiyelela walani, amutamaalelaga Yehova na dhetene dhewalani na dhonilani.