Adamu na Eva mmuttiyelani Edeni, ahaabala aima. Woromaya wali Kayini, iyene wali namalima, wanawili ddi Abel iyene wajiha mabila.

Siku nimodha, Kayini na Abel ahidhowa omperhekela Yehova mukutto. Weyo onoziwa entapulela mukutto? Mvaho wavawoka. Yehova waziveliwa na mukutto wa Abel, ottiya wa Kayini. Kayini wahisilidhiwa vaddiddi. Yehova bamwaddela wila osilidhiwa waye ogahimutotela okosa elobo yabure. Kayini kafunile ovuruwana.

Kayini ohiloga na Abel: ‘Ndowe omundda.’ Valani attu eeli omundda, Kayini ohimbubudda mbalaye Abel ofiyedha ompa. Yehova agakosilevo elobo gani? Yehova omusottotta  Kayini, omuttamagihela wolapela, ommwalaniha na amudhaye. Kayini keyelile viina.

Ninsunzavo eni? Iyo ninosilidhiwa akala dhilobo kadhinneddela deretu. Akala ninosilidhiwa—obe akala muttu ononaddela wila nihittabwiha osilidhiwa—nimaguvele ovyang’anela, nihinafiya volapa.

Vowi Abel wannimukwela Yehova vina wahikosa dhaderetu, Yehova onele omubuwela. Mulugu agakosa elabo wi ekale paraizu wili, onele onvenyiha Abel.