Omaromelo wa Epaddi 7
Epaddi eji enloga dhilobo dhapadduweli Amwene eli Sawul na David mwari mwa vyaka 80. Voroma Sawul wali woviyeviha vina womova Mulugu, saddu, ohittiya omova Mulugu baroma olupa magano aye. N’eji Yehova omunyanyala nanda ohiloga na Samuwel wi amuttikittele David, akale mwene wa Izrayel. Mwene wa owogo Sawul, wantamela dila dhinjene ompa David, mbwenye David kafuna omwiyihedha. Jonatan mwana wa Sawul wahiziwa wila Mulugu wamusakula David, nona, osakula wedda na iyene. David mwigumini mwaye, ohikosa dhottega dhinjene, masiki dhawene iyene kattiyile malago a Nabuya. Akala weyo oli mambali kamukamihedhe mwanawo wi one oderetu olivo w’ofwara malago a Mulugu.
IN THIS SECTION
NSUNZO 39
Mwene Woroma wa Izrayel
Mulugu wahavaha ana Izrayel anamattonga wi alamulelege, awene bakodda, bamukumbirha mwene. Mukoselani dhawene, Samuwel omuttikittela Sawul wi akale mwene woroma wa Izrayel, saddu, Yehova omunyanyala Sawul. Sabwaya?
NSUNZO 40
David na Goliya
Yehova ohimuttukula David wi akale mwene wanawili wa Izrayel, nanda Davidiya ohilagiha wila wahifwanyeleliwa omweneya.
NSUNZO 41
David na Sawul
Attu aba eli, mmodha wamwiddelani mukwaye, nanda odduya weddiwaya wana mweddelo gani?
