Kavali yowaganyedha yawila, osekeserha oku okosilihu wa masunziho a makamaka a Bibilia ohiwaraliha okwela wawo wa Yehova. Ninofanyeela owaralihagavi okwela oku. (1 Pedro 2:2) Njeedhelo nawo na egumi ya mukalakala niniwanana na onfiyedhagavi Mulugu modheela osunzaga Nzu naye.—Kengesa Joau 17:3; Juda 21.

Venevo vanunuwa eziwelo enkaaniwe ya Mulugu, nroromelo nawo panvaddetxani. Nroromelo ninele wukamiha omuhagalaliha Mulugu. (Ahebreu 11:1, 6) Ntti ninele wutxinutxa bukosa masadduwo aderetu na mweddelo wawo.—Kengesa Merelo 3:19.

Ninga munkalelagani, onele ofuna walaleya attu ena esile dhisunzile weyo, iyo notene ninoziveliwa wapanga attu ena miselu dhapama. Venevo vandowiwe bugamusunza Bibilia, onele osunza omulabihedha Bibilia wila otapulele nroromelo nawo mwa Yehova vina miselu dhapama.—Kengesa Roma 10:13-15.

Attu enjiya anroma walaleya miselu dhapama amarho obe amudhi awa. Kakala muyesa. Ottiya wapanga wila kapela yawa kikalile, kaalaleye dha Mulugu na esile dhinroromelihiye. Kobuwela vina yawila attu antikinetxa nzuzumelo nawo opitta esile dhinloga weyo.—Kengesa 2 Timóteo 2:24, 25.

Osunza Nzu na Mulugu onele wukamiha wunuwa mpaddi womuyani. Omagomelowa, onokaana omarho wa vawoka na Yehova. Txibarene weyo onkala waye ninga muttu wa murala waye.—Kengesa 2 Korinto 6:18.

Onodhowa vasogorho omuyani modheela osunzagavi Nzu na Mulugu. (Ahebreu 5:13, 14) Kamukumbirhe Namoona wa Yehova mmodha wila oosunzihe Bibilia alabihedhaga nivuru Txini Ennisunziha Bibilia? Ogasunzaga vaddiddi Nzu na Mulugu, paneeddetxa deretu egumi yawo.—Kengesa Masalmo 1:1-3; 73:27, 28.

Miselu dhapama dhinda wa Yehova, Mulugu wosanzaya. Enowodheya weyo onfiyedhetxa iyene ttangwi ya wandana na nlogo naye. (Ahebreu 10:24, 25) Ogakosagavi guru dha omuhagalaliha Yehova, onele ogumela egumi yatxibarene, egumi ya mukalakala. Onfiyedha Mulugu txibarene ji elobo ekaliletxe enwodhiwe okosa.—Kengesa 1 Timóteo 1:11; 6:19.