NSUNZO 1
Miselu Dhapama Txini?
1. Miselu dhinda wa Mulugu txini?
Mulugu onfuna wila attu ajevo egumi velaboni yavati. Ohipaddutxa elabo yavati na dhilobo dhotene dhilivo sabwani onokwela nlogo na attu. Ovanene onele olaba wila aavahe attu a dhilabo dhotene njeedhelo naderetu. Onele ovuna nlogo na attu mwa esile dhintota goi.—Kengesa Jeremiya 29:11.
Kuli nlamulelo niwodhile ogomiha opanga, maredda obe okwa. Mbwenye ohikala miselu dhaderetu. Mohigoneela Mulugu onela otxinja malamulelo otene a omuttu bekavo nlamulelo naye. Alamuleliwiya anele ojavo murenddele na egumi.—Kengesa Izaiya 25:8; 33:24; Daniyel 2:44.
2. Miselu esi dhapama dhikaleli eni dha namaguve?
Goi enagome bahi Mulugu agaatolotxa attu abure velaboni yavati. (Sofoniya 2:3) Ejoya enapadduwe mudhidhi gani? Nzu na Mulugu nahittaga ologa esile dhintabutxa nlogo na attu nsaka na ovanene. Mapadduwo a ovanene anlagiha wila mudhidhi onfuna Mulugu olaba oli vakuvi.—Kengesa 2 Timóteo 3:1-5.
3. Nikose eni?
Nisunze dha Mulugu mu Nzuni naye, Bibilia. Oddu oli ninga karta enilebeli Babi onnikwela. Bibilia ononipanga mukalelo wa ojavo deretu egumi ovanene vina ojavo egumi ya mukalakala velaboni yavati musogorho. Ja ebaribari yawila attu ena kanziveliwa wuwoonaga bugakamihiwa omunonelamo Bibilia. Mbwenye mudhidhi wa osunza okaana musogorho mwaderetu bwaderetu vaddiddi mwawila kunfanyeela oyeleeliwa.—Kengesa Gano 29:25; Ovuhulela 14:6, 7.
Enowodheya Weyo Vina Oziveliwana
MABASA ORIGANELA A VAWOKA
Ninimusunzelani Bibilia?
Bibilia onovaha makulo a mavuzo manddimuwa a mwigumini attu matxikwi na matxikwi orugunuwa elabo yotene.Ogahiziveliwa okala mmodha wa abene?
