Ninowutamaalela sabwa ya ofanya mudhidhi busunza brochura ntti wila waziwe Anamoona a Yehova, oziwa mabasa ehu vina woona mulabelo wa nikuru nehu. Ninokuluvela wila nihukamiha oniziwa ninga abale ankosa ofuna wa Yehova nsaka na ovanene. Ninowukokomeza wila okaanegevi eziwelo ya Mulugu, wapangege amudhawo na amarho awo esile dhinsunza weyo vina otugumanege na iyo mmatugumanoni ehu a Okristu.​—Ahebreu 10:23-25.

Onela ozinddiyela wila venevo vansunzetxiwe dha Yehova panoonetxiwe wila onowukwela vaddiddi. Venevo weyo vina onele okokomezeya okosaga dhotene dhinwodha weyo wila olagihege yawila onomukwela. (1 Joau 4:8-10, 19) Kito olagihe dhavi mwigumini mwawo siku na siku wila ji ejuwene enfuna weyo? Wiwelela malamulo aye anloga dha mweeddelo okaleli eni elobo enfunetxa wupurela? Nanda txini enokamihe ofunaga okosa ofuna wa Mulugu na iyo? Namasunziha wawo wa Bibilia onele oziveliwa otamela dhowakuladha na weyo wila weyo na ntakulu nawo mukalevi ‘mu okwelani mwa Mulugu, . . . bamugajeedhela egumi ya mukalakala.’​—Juda 21.

Ninowuwobela na murima wotene wila odhowegevi vasogorho mu dila ya ebaribari modheela osunza nivuru nina ‘Kalanivi Mu Okwalani Mwa Mulugu’.