Olobele vina ovisasanyedhe deretu. Olobele wi owodhe ovaha ttima makaniya ottiya dhinfuniwe ologa. Okoye mmirimani mitoma dhamakamaka. Ologe ninga mulani, orabele ologa ninga onowengesa nzu nimodha-nimodha obe ninga onuwubuwela.

Ologe na mmirimani. Orome otanalela elobo enfwanyelela attu wiwa miseludha. Wazuzumele anamewa awo. Okoveni wawo vina makoseloya anele wakamihedha attuya okala ofiyedheya na weyo.

Wawag’anege anameweya. Ovenyihe deretu kove yawo akala vamuruddani vawo okosa ejuwene kahiyo otowa nriho. Ogakosaga diskursu, ottiya wawang’ana attuya otene, wawag’anege mmodha-modha.