NSUNZO 6
Olabihedha Malebo S’ohipipiriha
Joau 10:33-36
YOKOSA: Wengese nlebo ogamala odhowele mutoma mwina. Wattiye anamewa awo ononelamo wiwanana olivo wa nlebo na makaniya, vina yofuna yawo wa awene.
ONAKOSE DHAVI:
-
Ologe mazu a maka-maka aniwanana na mutomaya. Ogamala wengesa nlebona, osakulemo mazu ali ofuneya mwari mwa nlebona. Ogafuna okose mavuzo ologaga mazu ali va nleboniva nanda wattiye anamewa akule.
-
Wiyelele mazu ali ofuneya. Ogasakula nlebo na wengesa, wonihe enengeseliwe ologaga mazuya alitxi a ttima anfuniwe otapulela.
-
Kadhowa vaniparani va mutomaya. Orabele wenjedhedha dhologa dhihiniwanana. Otapuleletxe esile dhinrumela anamewa awo dhili mwari mwa mutomaya, ejo enele owukamihedha ozinddiyela dhologa dhihina ttima na anamewa awo.
