Maruriho Anakela Abale Anakamihedha Aliba Ojombeliwa
Orugunuwa elabo yotene, attu enjene anojombeliwa yoja na vokala. Ena ana efunelo ya oziwa dhinapadduwele musogorho. Guru dhinkosihu wi nakamihedhe attu aba dhinnittukulela dhavi orumeliwa vina orurihiwa na Mulugu?
TXINI DHINLOGA MALEBO OKODDELA
“Onrumela oboleyiwa na muyelegi, ombeleyile Nabuya; onapereke ddi Nabuyene.”—GANO 19:17.
TXINI ENFWANYELIHU OKOSA WI NAKAMIHEDHE ALIBA OJOMBELIWA
Yezu wahiloga musibo wa muttu dhahi wattiddiwe na apanga, bavadiwa, battiwa nenaa n’okwa. (Luka 10:29-37) Mulobwana mwina wahali wa elabo yaye mmoneliye ohimela vina ohimukamihedha. Iyene ohimukamihedha-wene, masiki valiye wa nihimo nina vina wa nlogo nahali naye.
Mulobwana oddu kamukamihedhile mwa omusuwa vilodda dhaye bahi, wahimvaha nikamihedho nina na omutamelela vogona na omvaha yoja.
Txini ennisunziha musibo obu? Yezu wela woniha wi ninofwanyela okosa ofiyedha apale vanwodhelihu wi nakamihedhe aliba ojombeliwa. (Gano 14:31) Malebo Okoddela anonisunziha wi ovanene Mulugu onela ogomiha ohawi na otabuwa. Veneva ninodha ovivuza, esidha Mulugu onapaddutxe dhavi vina dhinapadduwe mudhidhi gani? Mutoma onfwarela onele osekesera mareliho okweyele Muttanddi wawo wokwela.