Azombwe, Muttanddi Wenyu Onfuna wi Mwagalale
“Iyene ddinudhaliha dhorela masiku a okalawo wawo.” —MASALMO 103:5.
JIBO: 11, 4
1, 2. Ekaleleni ya mirugu omwiwa Muttanddi wehu nigafunaga okosa yosakula yamakamaka mwigumini mwehu? (Koona foto eli omaromo.)
AKALA wamuzombwe, txino onovahiwaga monelo wa matadelo awo a musogorho. Anamasunziha na attu ena anowupanga wila okose masunziho manddimuwa anawukamihedhe okana kobiri gwé. Mbwenye Yehova onuvaha monelo wottiyana. Ebaribari wila Yehova onfuna wila osunze wi okaane ganyo, ogumelegena yoja. (Kolosi 3:23) Mbwenye ogafunaga okosa dhosakula dhamakamaka mwigumini mwawo, Yehova onfuna wila ofare magano aye. Ofwara magano aba enowukamihedha mwigumini mwawo masaka abano omariha.—Mateu 24:14.
2 Kudduwale wila Yehova onoziwa dhilobo dhotene. Iyene onoziwa enapadduwe musogorho vina mudhidhi onafiye omagomelo wa elabo ejino. (Izaiya 46:10; Mateu 24:3, 36) Yehova vina onowuziwa. Iyene onoziwa dhilobo dhinawuvahe wagalala obe dhinawutotele okubanya. Ebaribari wila attu eena ahikana monelo onkala ninga waderetu, mbwenye monelo wawa ohittiyana na Nzu na Mulugu, egali dhawene, kahiyo eziwelo yebaribari.—Gano 19:21.
ENONELO ENDHA WA YEHOVA BAHI
3, 4. Ovuruwana malago abure odhilena nipakelo gani wa Adamu na Eva vamodha na anawa?
3 Joziweya wi mwilaboni muhikala malago abure. Satana ddiromile wavaha attu malago abure. Iyene ohimwaddela Adamu na Eva wi agahifwanya wagalala kosakula anya meddihedho a egumi yawa. (Wita 3:1-6) Mbwenye Satana wali mukumbela-vaye! Iyene wafuna wi Adamu na Eva vamodha na anaye amwebedhege iyene, ottiya Yehova. Joziweya wi Satana k’akosele elobo attu. Ddi Yehova wavahile dhilobo dhotene dhanani. Iyene wahavaha murala wokoddela, maningo owakwana na egumi yokalawo na mukalakala.
4 Mokubanyiha-mwene, Adamu na Eva ahinvanya Mulugu. Mwawira dhawene awene ahigwadda mandano na Oddule wavahile egumi. Ejo ehatotela ngovi. Adamu na Eva ahuluvala ofiyedha okwa, ninga maruwa angwaddiwa omurayini wawa, anonyala ofiyedha wuma. Anawa a’balilani ahidha ogweliwa ntowa na matabuwo ofiyedha iyo onkalawo masaka abano. (Roma 5:12) Attu enjene masaka abano anopwaza malago a Yehova nanda anosakula okosa dhinfunani. (Éfeso 2:1-3) Dhopurelamodha sivi? Bibilia onloga wi ‘kavali eziwelo’ muttu aganvanya Yehova.—Gano 21:30.
5. Nroromelo gani nina Mulugu wa nlogo na attu?
5 Yehova wankuluvela wi ogahikala nlogo na attu, agasakulile omuziwa vina omulabela iyene, azombwe enjene anokosa mpaddi wa nlogo ntto. (Masalmo 103:17, 18; 110:3) Azombwe aba ahikaana ttima enddimuwa vamentoni va Yehova! Weyo onofuna okala mmodha wa azombwe aba? Mohaganyedha nyuwo munowagalala na ‘dhilobo dhaderetu’ dhindha wa Mulugu, iyene onowenjedhedha wagalala wa mwigumini mwenyu. (Kengesa Masalmo 103:5; Gano 10:22) Mwari mwa mutoma obu ninele osekeserha dhilobo nayi dhinvaha ohagalala. Yoja yomuyani, mandano aderetu, dhogana dhapama na ofuru webaribari.
YEHOVA ONOWUVAHA POSO NOMUYANI
6. Onfwanyelelani okalela txenjewa na efunelo yawo yomuyani, nanda Yehova onukamihedha dhavi?
6 Dhinama kadhina efunelo ya dhilobo dhomuyani, sabwani kadhinnonelamo wi ohikalawo Wattanddile. Mbwenye iyo ninoziwa. (Mateu 4:4) Niganvuruwana Mulugu ninele okaana eziwelo, moonelo vina ohagalala. Yezu ohiloga wi: ‘Agari babale antamela dhofuna dhomuyani.’ (Mateu 5:3) Mulugu ohinivaha Bibilia vina onomulabihedha “mwimeleli wororomeleya, wa malago” odduwene onnivaha manivuru annikamihedha olibiha nroromelo nehu. (Mateu 24:45) Manivuru abo, iyo ninoona ninga yoja yomuyani sabwani anowaraliha nroromelo nehu vina anolibiha mandano ehu na Yehova. Iyo ninowagalala vaddiddi na oja oku womuyani!—Izaiya 65:13, 14.
7. Yoja yomuyani enda wa Mulugu enukamihedha dhavi?
Gano 2:10-14.) Motagiha, mikalelo eso dhinowukamihedha ozinddiyela dhilobo dhottambi, ninga dhologa dhawi kawo muttanddi, kobiri na dhorela nipara na wagalala. Mikalelo esi dhinokamihedha vina orabela dhifunelo na dhilemelelo dhoputtula. Jowodheya weyo okaana mirugu dha eziwelo yowakwana. Wamwinya onele owodha ozinddiyela wi Yehova onowukwela vina onufunana wi okale deretu.—Masalmo 34:8; Izaiya 48:17, 18.
7 Yoja yomuyani enowuvaha eziwelo enlibiha mubuwelo na moonelo wawo wawakwana, nanda dhinowodha owukamihedha mwari mwa mikalelo dhottiyana-ttiyana. (Kengesa8. Enfuneyelani omususela Mulugu, nanda okala mwibaribarini onukamihedha dhavi?
8 Mohigonela, elabo eji ya Satana enela otolotxiwa. Ddi Yehova bahi onwodha onisapela vina wakwanihedha dhojombweliwa dhehu. (Habakuk 3:2, 12-19) Obu mudhidhi wa omususela Mulugu vina olibiha ebaribari yehu. (2 Pedro 2:9) Ogakosa dhawene, masiki opadduweliwe elobo-elobovi onele owodha omutagiha David ologile wi: “Ddinokala vamentoni va Nabuya malabo otene; iyene onoddithiddela, kaiwo-wene enddigulugudha.”—Masalmo 16:8.
YEHOVA ONOWUVAHA AMARHO ADERETU
9. (a) Ninga munengesa iyo va Joau 6:44, txini enakose Yehova? (b) Ekaleleni yaderetu waziwa Anamoona ena?
9 Ogagumanana muttu ohili munamoona wa Yehova, elobo gani enimubuweliwena? Txino onotamela oziwa nzina naye, mweddelo waye na dhilobo dhina. Jottiyana ogagumanana muttu oli mwibaribarini. Weyo onoziwa wila muttuya onomukwela Yehova. Onoziwa vina wila Yehova omoonana elobo yaderetu nona ohimukukusa wila akose mpaddi wa murala waye. Joau 6:44.) Masiki akala iyene dwa elabo obe dhilemelelo dhottiyana, weyo onomuziwa, iyene vina onowuziwa!
(KengesaYehova onjedhela wila weyo okaane mandano aderetu vina dhogana dhapama (Koona ddima 9-12)
10, 11. Enlogeliwa nni wila nikuru na Yehova kanittiyaniletxe, ejene enikamihedha dhavi?
10 Weyo ogamuziwa mbali, apo ononona wila kamuttiyaniletxe. Masiki akala munloga elogelo yottiyana, ebaribariya jawi nyuwo munloga ‘elogelo yoligana’ yebaribari. (Zakariya 3:9) Eji entapulela wila mukalelo onimuroromela nyuwo Mulugu, meddelo enyu na njedhelo nina nyuwo na musogorho ninoligana. Dhilobo esi dhinonikamihedha omuroromela muttu, okosana mandano ovadda ahingoma.
11 Akala onomulabela Yehova, okane ebaribari wila owafwanya amarho aderetu. Weyo ohikana amarho orugunuwa elabo yotene, enaguwa ahinaziwa weyo! Onowaziwa attu ena ahinimulabela Yehova anjavo nvaho ninga obu?
YEHOVA ONOWUKAMIHEDHA OFWANYA DHOGANA DHAPAMA
12. Dhogana gani dhinubuwela weyo ofwanya?
12 Kengesa Kohelét 11:9–12:1. Weyo ohikana dhogana dhinfuniwe wakwanihedha? Txino weyo ohigana osakula omwengesa Bibilia masiku otene, ovaha dhowakula dha ttima omatugumanoni. Obe onotamela mikalelo dhofwanyelela dha omulabihedha Bibilia mmabasani a olaleya. Oniwamo dhavi ogaziwa wamwinya obe attu eena agawaddela wi onovilibihedha vaddiddi okosa dhofwanyelela? Txibarene onowagalala vaddiddi! Sabwaya? Sabwani onononelamo wi onokosa dhilobo dhinfuna Yehova, vina ninga yakosa Yezu.—Masalmo 40:8; Gano 27:11.
13. Omulabela Yehova ekaleleni yaderetu opitta okosa mabasa amwilaboni?
13 Ogazuzumela mabasa a Yehova onele wagalala vina egumi yawo enele okana ttima. Paulo ohiloga: “Nona amudhaga, mukale ovikomene, ohigulugudheya. Muthangarhamele mabasa a Nabuya, muziwaga wi omulabela wenyu Nabuya, kamunthiddana vati.” (1 Korinto 15:58) Muttu agazuzumela mabasa a mwilaboni ninga okana kobiri gwé, ovuwa, kanafwanye wagalala webaribari. Masiki akaane dhetedhene dhinfunani mwari mwawa ankala ninga kana elobwene. (Luka 9:25) Iyo nihisunza na yotagiha ya Mwene Salomau.—Roma 15:4.
14. Txini ensunza weyo na yotagiha ya Salomau?
14 Salomau wali mulobwana wofuma vina wovuwa waliwo. Iyene ohiloga yeka-yeka: “Ddabuno ddinfuna ddehe dhoziva dhothiyana-thiyana, ddinziveliwe.” (Kohelét 2:1-10) Salomau wahimaga numba dhokoddela, wakana mundda wa maruwa wozivela wona, yafuniye wankosa. Iyene wewamo dhavi, wanagalala vina wahakwana? Mwang’aneliye dhotedhene dhittuttiliye ohiloga: ‘Dhotedhene dhina miyo maveya.’ Owenjedhedha: “Dhili ninga okapula pevo.” (Kohelét 2:11) Weyo onsunza nni na yotagiha ya Salomau?
Omwiwelela Yehova elobo yaderetu wa iyo sabwani enonivaha ohagalala webaribari
15. Onfwanyelela nni okana nroromelo nanda nroromelona ninaukamihedhe dhavi mowiwanana na dhologa dha Masalmo 32:8?
15 Attu ena ansunza na yopadduwa ninga motagiha, makattamiho mwigumini mwawa obe otabuwa. Mbwenye Yehova Ahebreu 6:10) Kakosa muli-mwetemwene wila nroromelo nawo nilibe. Ogakosa dhosakula dhaderetu mwigumini mwawo onele wona wila Babo a’wirimu onfuna oderetu wawo.—Kengesa Masalmo 32:8.
kanfuna wila okaane makattamiho akakene. Iyene onfuna wila wiwe dhinlogiye vina omwiwelele. Wila ejene epadduwe onofwanyelela okana nroromelo, ogakosa elobo-txilobo na nroromelo txipo kunatxinyuwe. Nanda Yehova txipo kanadduwale “okwela onimukwelenyuna.” (YEHOVA ONELE WUVAHA MANDANO ADERETU
16. Ninfwanyelela nni ottittimiha ofuru nanda ninalabihedhe dhavi?
16 Paulo ohileba: ‘Yehova muya; vali muya wa Nabuya pali ofuru.’ (2 Korinto 3:17) Yehova onokwela ofuru, vina wuttanddile na efunelo ya okwela ofuru. Yehova onjedhela wila olabihedhe deretu ofuruya wila ewubarele. Motagiha, ahikalawo attu anaziwa weyo anziveliwa wona mararuwo, ansakula mavego a kani, omwetxa obe anja mirobwe dhinnonga ogogo. Nigoonaga dhilobo esi dhinkala ninga dhovevutxa murima, mbwenye dhinodhana dhoputtula dhinddimuwa ninga oredda oragala obe okwa. (Galásia 6:7, 8) Azombwe ankosa dhilobo esi anubuwela wila anojavo ofuru wawa mwebaribari anoviputtula anya.—Tito 3:3.
17, 18. (a) Omwiwelela Mulugu onnivaha dhavi ofuru webaribari? (b) Ottiyana gani wa ofuru wana Adamu na Eva na ofuru wa attu masaka abano?
17 Txibarene omwiwelela Yehova ononipuriha nanya. Wiwelela oku kwaderutu vina enonivaha ofuru webaribari. (Masalmo 19:7-11) Akala onolabihedha ofuru wawo na eziwelo osakulaga ofwara malamulo a Mulugu, onele omutonyihedha mulugu na amambali awo wila oli muttu wazelu. Amabali awo anodha wuroromela bafiyedha wenjedhedha ofuru onuvaha awene. Yehova ohakuluveliha alabeli aye ororomeleya wila onowavaha ofuru wowakwana, Bibilia onloga wi ‘ofuru na nttittimiho ninakela ana Mulugu.’—Roma 8:21.
18 Adamu na Eva ahijavo ofuru ninga okwene v’alani attu oligana. Akalaga mmuddani mwa eddeni awene akoddihiwe elobo modha bahi. Ohija mulima wa muri mmodha. (Wita 2:9, 17) Weyo ogahiloga wila nlamulo na Yehova nali norutxa oviriyamo obe n’oputtula? Nne! Katanalela malamulo owinjiva anvahiwa attu wi avirihemo. Mbwenye Yehova wavahile nlamulo nimodha bahi.
19. Yehova na Yezu annisunziha dhavi ofwanya ofuru webaribari?
19 Vowi Yehova muttu wa eziwelo enddimuwa, iyene onon’eddiha na eziwelo. Ottiya onivaha malamulo menjene, iyene na ovilela waye ononisunziha ofwara nlamulo na okwela. Iyene onfuna wila n’eddege na magano aye vina nitxatxamege Roma 12:9) Yezu akosaga diskursu yavamwangoni onikamihedha ononelamo enattukulela attu okosa eli yabure. (Mateu 5:27, 28) Mwilaboni eswa Mulamuleli wa Omwene wa Mulugu, Yezu onele odhowavi anisunzihaga wona eli yaderetu na eli yabure dhawene ninga munoonela iyene. (Ahebreu 1:9) Iyene onele onikamihedha okala attu oligana maningo vina yubuwelo. Katanalela wi kaninakanege efunelo yokosa eli yabure vina kaninatabuwe mwaha wa ohiligana. Ninele ojavo ‘nttittimiho n’ofuru’ ologile Yehova.
eli yabure. (20. (a) Yehova onlabihedha dhavi ofuru waye? (b) Weyo onamusaze dhavi Yehova?
20 Ebaribari wila nigavolowa mwilaboni eswa ofuru wehu onele okana maddile. Sabwaya? Sabwa yawi mudhidhi wotene iyo ninele okana efunelo ya omukwela Yehova vina wakwela attu ena. Nigarumeela weddihiwa n’okwela ninele okana efunelo yomusaza Yehova. Masiki nikanaga ofuru wowakwana, Yehova onfuna wila okwela weddihege dhilobo dhotene dhinkosiye vina dhinikoseliye. (1 Joau 4:7, 8) Akala ninofuna ofuru wowakwana nimutagihe Mulugu.
21. (a) David wewamo dhavi mwaha wa Yehova? (b) Mutoma ondawo ninasekeserhe eni?
21 Weyo onotamalela dhilobo dhotedhene dhaderetu dhinuvaha Yehova? Iyene ohuvaha yoja yomuyani, mandano aderetu, dhogana dhapama, ofuru webaribari na nvaho dhina dhokoddela. (Masalmo 103:5) Weyo onele ologa ninga David, mazu anfwanyeya va Masalmo 16:11: “Nyuwo munere odditonyihedha dila yofiyana w’igumini; vamentoni venyu pali othaba wawakwana, vali nyuwo pali ojavo wohimala.” Mutoma ondawo ninele osekeserha ebaribari enfwanyeya va Masalmo 16. Enele wutonyihedha wona wila jowodheya weyo okana egumi yebaribari!