‘Muttu Wowiwananeyana na Yehova, Onottaba N’okala na Iyene’
VYAKA dhobaliwa dha Diana dhihikwaranya 80 vina ohitabuwa vaddiddi mwa vyaka dhivirile. Mamune, wana eredda enkuweliwa Alzheimer’s nanda akala numba dhisasanyedhiwe attu owuluvala, mpaka okwa. Anaye eli ahikwa vina wantabuwa na eredda ya kanseri ya nibele. Masiki afanyiwaga makattamiho ninga abene wandowa omatugumanoni obe omalaleyoni, abali ena anoona wila iyene onkala owagalalene.
John wahilaba ninga nameddelela milogo mwari mwa vyaka 43. Iyene wankwela vaddiddi mabasa akosiye vina kafuna ottiya-wene mabasaya. Mbwenye yanfuneya ottiya mabasa wila amukamihedhe mmudhaye wali muredda. Abali na arogora amuziwa John agagumanana omatugumanoni a murudda obe a ttattamwa anloga wila iyene katxinjile elo, ddwakene kasadduwile. Onodhowavi alabaga na wagalala.
Diana na John awodhile dhavi okana wagalala? Enwodheya dhavi muttu wagalala bana makattamiho? Muttu onkwela mabasa ankosiye agattiya owodha dhavi wagalala? Bibilia onowakula mavuzo aba. Onologa: “Etene anedda na murima womyala, anere oziveliwa.” (Masalmo 64:11) Wila ninonelemo deretu ebaribari eji ndowe none enanivahe wagalala vina enanitotele okubanya.
WAGALALA WA MUDHIDHI MUG’ONOVI
Dhilobo dhina dhinodhana wagalala. Motagiha, katanalela attu eli ankwelana bafiyedha otelana. Katanalela vina atelani akaanile mwana obe muttu ovahiwe mabasa mmulogoni. Dhilobo esi dhinowagalaliha sabwani ninoziwa wi dhinda wa Yehova. Ddiyene ottanddile matelo, ewodhelo yokaana aima vina ononikamihedha ofanya dhogana dhehu mmabasani mwaye.—Wita 2:18, 22; Masalmo 127:3; 1 Timóteo 3:1.
Masaka mena wagalala onkala wa mudhidhi mung’onovi. Mokubanyiha-mwene muttu mmodha wa vamateloni onokwa obe onokosa mararuwo. (Ezekiyel 24:18; Ozeya 3:1) Obe mwana onottiya wawiwelela amambali aye vina Mulugu, bafiyedha ottamagihiwa mmulogoni. Motagiha, ana Samuwel kamulabela Yehova mofanyelela vina David akana makani na anamudhi aye sabwa y’okosa mararuwo na Betsabé. (1 Samuwel 8:1-3; 2 Samuwel 12:11) Dhilobo esi dhigapadduwa kadhindana wagalala mbwenye okubanya.
Mohijedheleya mabasa animukosela iyo Yehova andaga otxima sabwa ya oredda, wakwaniha dhofuna dhavamuralani obe ogapadduwa matxinjo mmulogoni. Attu enjene attiyile mabasa amukoselani Yehova, ahiloga wila anojonbeliwa wagalala wanani mudhidhi wakosani mabasaya.
Ejene enonikamihedha ononelamo wila ennivaha wagalala kinkala na iyo na mukalakala. Ohikalawo wagalala ohingoma masiki nifwanyiwaga makattamiho ottabwaya? Txibarene ohikalawo, sabwani Samuwel, David na attu ena karimeliwe wagalala mufwanyiwani makattamiho.
WAGALALA OHINGOMA
Yezu wanziwa entapulela wagalala webaribari. Ahinatti odha velaboni ya vati, Bibilia ononaddela wila iyene ‘wanvega vamentoni vaye mudhidhi wotene.’ (Gano 8:30) Mbwenye mudheliye velaboni ya vati wahifwanyiwa makattamiho orutxa. Masiki na makattamihoya iyene wanagalala sabwani ankosa empangile Babe. (Joau 4:34) Kito mudhidhi womariha waniye ahinakwa? Iyo nihengesa: “Katanalile manyazo a mukweleloyá, vowi wanziwa wi masoso abo agamalá, onofwanya othaba onddimuwa.” (Ahebreu 12:2) Iyo ninosunza na dhilobo bili dhilogile Yezu mwaha wa wagalala.
Mudhidhi dhahi Yezu waharuma anamafwara aye 70 wila alaleye. Awene ahiyela n’owagalala sabwa ya esile dhikosilani vina wakopola attu muya dhabure. Mbwenye Yezu wahapanga: “Ekalilevi dhahene, othaba wenyu kukale okurumuweliwa na asatana, okale olebiwa wa mazina enyu wirimu.” (Luka 10:1-9, 17, 20) Txibarene, orumeliwa na Yehova elobo yattima eliwo, enodhana wagalala opitta mabasa anttambirha iyo.
Yezu alogaga na muttitti munddimuwa, muyana dhahi wa Muyuda waziveliwe na dhalogiye ohikuwa vari va muttitti wagari ddi mayinyu Luka 11:27, 28) Txibarene mwana agakosaga dhili dhapama onohagalaliha. Mbwenye omwiwelela Yehova na okana wandana wofiyedheya na iyene onodhana wagalala onddimuwa.
oubalileni ninga mwana waye. Mbwenyi Yezu omwakula: “Agari thabwa-thabwa babale aniwa nzu na Mulugu, avirihagamo!” (Kayiwo elobo envahetxa wagalala opitta oziwa wila ninokosa dhilobo dhinimuzivela Yehova. Kayiwo elobo enanonge wagalala oku masiki akalewo makattamiho. Nigakalavi wororomeleya na makattamiho, wagalala wehu onowinjiva. (Roma 5:3-5) Vowi wagalala onokosa epaddi ya yobala ya muya, Yehova ononvaha wagalala oddule ontamela. (Galásia 5:22) Ejene enonikamihedha ononelamo elebiwe va Masalmo 64:11 enloga: “Muthu wowiwananeyana na Nabuya, onothaba n’okala na iyene.”
Txini emukamihedhile John wi anarimeliwe wagalala?
Mazu aba anotapulela yattukulile Diana na John okaanavi wagalala masiki afanyiwaga makattamiho. Diana ohiloga: “Ttawela yaga ddi Yehova dhahene ninga enkosa mwana na mambali waye.” Owenjedhedha: “Endditonyihedha wila Yehova onoddiruriha jawi iyene onoddikamihedha olaleya n’emwerumweru.” Txini enimukamihedha John odhowana wagalala waye vina ozuzumela mabasa aye a olaleya muttiyeliye mabasa akosiye? Iyene ohiloga: “Ovenyana yaka 1998 muttomeliwemi ninga namasunziha wa Escola de Treinamento Ministerial, nsunzo naga nomunya ddinokosa s’ojobela.” Ohitapulela wila iyene vamodha na mwadhiye ahisakula omulabela Yehova mpaka mwawodhelani. Owenjedhedha: “Iyo kanintxinuwa na yosakula ekosilehu.”
Attu owinjiva anorumeela wila enloga Masalmo 64:11 ebaribari. Motagiha, ahikalawo atelani dhahi alabile vyaka dhowakwana 30 o’Betel ya Estados Unidos. Mbwenye ahidha ottomiwa ninga apionero avawoka. Awene ahiloga: “Kili yabure okubanya ogayelela elobo enkweliwe,” ahenjedhedha: “Mbwenye kukane okubanya ohingoma.” Atelani aba karutxile olemela mabasa akosani sabwa yolabaga vamodha n’abali a mmulogoni. Awene ahiloga vina: “Iyo nimulobelela Yehova nilogaga yanijombela. Muwonilihu wila Yehova owakula malobelo ehu ehinilibiha-wene vina ehinagalaliha. Mufiyelihu mmulogoni, attu ena ahikumbirha okala apionero, vina nawodha okana anamasunza eli andowa vasogorho.”
“MWAGALALE NAMUKALAKALA”
Joziweya wi jorutxa okana wagalala wa mudhidhi wotene. Ninofwanyiwa nsaka na wagalala vina nokubanya. Mbwenye Yehova ononilibiha na nlebo na Masalmo 64:11. Nigagumanana magudulano mwigumine mehu ninofanyela olibiha nroromelo “muthu wowiwananeyana na Nabuya, onothaba n’okala na iyene.” Ottiya ejo, nikana njedhelo na musogorho ninnivaha Yehova ‘erimu na elabo eswa’ enakwanihedheye. Ottega onele ogoma namukalakala, attu etene animulabela Yehova anele okaana ‘wagalala namukalakala’ mwigumini mwetemwene.—Izaiya 65:17, 18.
Kobuwela entapulela ejiya. Ninele okana guru na egumi yowakwana vamodha na wagalala wa malabo otene. Makattamiho otene agumanana iyo wale kanubuweliwege-vina. Yehova ohinivaha njedhelo nawi “dhawale kadhinobuweliwe-vina, dhivirile dhinodduwaliwa mudduwalelo.” Abale akwile anele ovenyihiwa, attu etene anele wagalala ninga amambali amuzombwe ole wana vyaka dhowakwana 12, ovenyihiwe na Yezu mukwani: “Etene ahuma milomo.” (Marko 5:42) Netene ninele okala attu oligana vina ninele ‘ottaba n’okala na iyene’ namukalakala.