“Ninele Wonana Mparaizu!”
‘Onokala na miyo Mparaizu.’—LUKA 23:43.
JIBO: 19, 55
1, 2. Monelo gani wottiyana-ttiyana ona attu mwaha wa paraizu?
ABALI na arogora enjene a dhilabo dhottiyana-ttiyana ahidhowa wona matugumano a ttattamwa elabo ya Koreya. Mugomile matugumanoya, Anamoona ali vamodhavene. Awene ali owagalala vaddiddi vina guwo dhabalilani dhali dhofilafila, dhopottana, anloga muttu na mukwaye: “Nilele wonana Mparaizu!” Paraizu gani wobuwela awene?
2 Attu owinjiva masaka abano ahikana monelo wottiyana-ttiyana mwaha wa paraizu. Akalawo attu anubuwela ninga dhoroha. Ena anloga wila paraizu mburo onagalalani. Mulobwana dhahi wavoliwe dala, moniliye dhoja gwé dhigali vameza ohiloga wi ovano ddili mparaizuni. Vyaka dha mundduni, muyana dhahi wahoona mburo wadhalile maruwa okoddela a mwini, motikina-mwene ohiloga, “Shii, eji txibarene paraizu!” Mburoya obule masaka abano onkuweliwa Paraizu, sabwani munddimuwa ofiyedha makilometro 15. Weyo onubuwela wila Paraizu onkala dhavi? Ohikana njedhelo wila paraizu onele ofiya?
3. Paraizu woroma ologiwe mBibiliani dduvi?
Wita 2:8 na elogelo ya Latin enloga: “Nabuya Mulugu otxeya mu Edeni, omadhelo wa nzuwa, nddebe nozivela; novenya omwekamo muthuyá omubileye.” Na elogelo ya Ahebreu entapulela ‘nddebe na Edeni.’ Nzu ntti “Edeni” nintapulela ‘ozivela,’ vina mmuddani mpule txibarene wali mburho wozivela. Sabwani wali mburo wokoddela, mwali dhoja gwé vina mwahikala murenddele wa attu na dhinama.—Wita 1:29-31.
3 Bibilia onologa paraizu waliwo nsaka na mundduni na onakalewo musogorho. Iyo nihengesa miselu dha Paraizu wa mmunddani mwa Edeni onlogiwa mBibiliani. Nivuru na Douay n’akadda Katolika nihitapulela nlebo na4. Ninlogela nni wi mundda wa Edeni wali paraizu?
4 Nzu ntti “mundda” elogelo ya Ahebreu, mutapuleliwani na elogelo ya Egrego enlogiwa pa·raʹdei·sos. Nivuru ninddimuwa nopepesana M’Clintock na Strong ninloga wila muttu onloga Egrego agewa nzu ntti pa·raʹdei·sos, iyene onubuwela mburo wokoddela, mundda munddimuwa wobareliwa muhimpadduwa ngovi, muli mukurhekurhe na miri dhimbaala misapo dhottiyana-ttiyana, muli mani meti vina mukomiwe mipaddo, muli mihegu na mabila ansapamo.—Kaladdaniha na Wita 2:15, 16.
5, 6. Adamu na Eva ayeleli dhavi gari ya okala Mparaizu, attu ena anubuwela dhavi?
5 Yehova wahimweka Adamu na Eva mmunddani mwa Edeni. Sabwa ya onnvanya Yehova, awene ahiyelela gari ya okala mmunddani mpule mokoddela-koddela, ottiya ejo ahaputtula adhulawa. (Wita 3:23, 24) Paraizu oddule ogali mburo obe murala munddimuwa wa attu enjene moligana na masiku a Nóe mvirile Mpulo.
6 Attu ena anovivuza, ‘Koddi Paraizu enakale vina velaboni ya vati?’ Ntonyihedhona nawi onele okalawo ttivi? Akala weyo ohikaana njedhelo na okala na amudhawo anakweliwe Mparaizu, ohikaana nikuluvelo nowakwana? Ogatapuleli dhavi ebaribari yawo yawi paraizu onele okalawo musogorho velaboni ya vati?
MONELO WA EBARIBARI YA OKALAWO MPARAIZU MUSOGORHO
7, 8. (a) Nlibelo nikosile Mulugu na Abrahamu ttivi? (b) Nlibelo na Mulugu nimuttukuleli Abrahamu wubuwela ttivi?
7 Bibilia bu mburho wokuluveleya onafwanye iyo yowakula ya mavuzo aba a Mparaizu, sabwani nivuru na Yehova, iyene ddittanddile Paraizu. Karoma wubuwela elobo yalogele Yehova na mukwaye Abrahamu. Mulugu wahiloga ddinele winjiviha ziza nawo “nikale ninga dhineneri.” Yehova wahiloga nlibelo ntti namakamaka wa Abrahamu: “Ziza nawoná thinàkalele nipara na gari malogo etene a mwilaboni, vowi ovirihamo nzu naga.” (Wita 22:17, 18) Musogorhomwa, Mulugu wahiyelela nlibelo ntti na mwana Abrahamu vina mudhulaye.—Kengesa Wita 26:4; 28:14.
8 Mbibiliani kamunfwanyeya dhologa dhawi nlogo na Abrahamu nigahikala mparaizu wirimu. Mwalogeli Mulugu wi ‘malogo otene a velaboni’ agarhurihiwa, Abrahamu wahikana nikuluvelo nawi dhotene eso dhigapadduwile velaboni ya
vati. Koddi obu moonelo wawakwana ononiha wi paraizu egali velaboni ya vati?9, 10. Malibelo gani annivaha nikuluvelo na okalawo paraizu velaboni ya vati musogorho?
9 Mulugu wahinvudhelela mudhuli wa Abrahamu, David, wila aloge wi nsaka na musogorho “mvuti oner’orimela.” (Masalmo 37:1, 2, 10) Ohiloga wi “akurumiwi aner’okala anya a elabo, aner’ojavo murenddele munddimuwa.” Ohenjedhedha: “Athu apama aner’okala anya a elabo, akalegemo masiku etene.” (Masalmo 37:11, 29; 2 Samuwel 23:2) Nlibelo ntti nikosile Mulugu nsaka na mundduni, ninpatta dhavi nlogo na attu? Awene ahikaana sabwa yokuluvela wi aligani anela ojavo elabo ya vati nsaka ninasadduwe elaboya bikala paraizu ninga yali mundda wa Edeni.
Wakwanihedheya wa mavuhulo ebaribari ennivaha nikuluvelo nawi elabo ya vati enero okala paraizu
10 Dila dhinjene, nlogo na Izrayel nanloga wi ninomulaba Yehova oku nikooddaga webedha webaribari. Mulugu wahittiya akadda Babilónia ottukula nlogo naye wi atxedhele elabo yawa, akosaga adhari. (2 Mapadduwo 36:15-21; Jeremiya 4:22-27) Mbwenye anamavuhulela a Mulugu ahiloga na ottaga wi nlogo nttile nigahittiyiwa wiyelela owaniwa dhigavira vyaka 70. Mavuhulo aba a Yehova ali ebaribari. Masiku abano mavuhulo abale anowakwanihedheya vina. Ninele otanaalela ebaribari enkuluvela iyo yawi onele okalawo paraizu velaboni ya vati musogorho.
11. Nipadduwo na Izaiya 11:6-9 niromile dhavi wakwanihedheya, mbwenye mavuzo gani anakose iyo?
11 Kengesa Izaiya 11:6-9. Yehova wahimukamihedha namavuhulela Izaiya ologa n’ottaga wi nlogo na Babilónia nigahiyelela elabo yawa nanda agahikaana murenddele. Wahiloga wi kagaliwo muttu ogatxutxiwe na dhinama obe attu ena. Ayima na anddimuwa agahivuniwa. Eji enukamihedha dhavi wubuwela murenddele wa mmunddani mwa Edeni? (Izaiya 51:3) Izaiya wahiloga vina wi elabo yotene, ottiya nlogo na Izrayel ‘egahidhala malago a Nabuya, ninga endhala manje mbara.’ Esodha dhinapadduwe mudhidhi gani? Mwebaribari, dhintonya musogorho.
12. (a) Ana Izrayel mwiyelelani akelile mareliho gani? (b) Elobo gani enoniha wi dhologa dha Izaiya 35:5-10 dhinele wakwanihedheya musogorho?
12 Kengesa Izaiya 35:5-10. Izaiya vina wahittaga ologa dila yanawili wi mugeyelile ana Izrayel kagatxutxiwe na dhinama nne na malogo mena. Wahiloga wi agakalile mwilaboni ya mattaka anvaha milima dhaderetu sabwa yawi mattakaya agahikaana munyotto moligana na mmunddani mwa Edeni. (Wita 2:10-14; Jeremiya 31:12) Koddi mavuhulo aba agakwanihedheyile nsaka na nlogo na Izrayel bahi? Koonato, apa mavuhuloya anowaloga akwenttenkwe, aliba ohona na aliba ohiwa wi anele ovulumutxiwa. Esi kadhipadduwile nsaka nttile neyelile ana Izrayel. Dhotene dhintonya wi musogorho Mulugu onele wavulumutxa aredda.
13, 14. Mazu ali va Izaiya 65:21-23 akwanihedheyile dhavi mweyeleli ana Izrayel, mpaddi gani wa mavuhulo aba anjedhela wakwanihedheya musogorho? (Koona foto eli omaromo.)
13 Kengesa Izaiya 65:21-23. Mwiyelele Ayuda mmawani, awene kafwanyile numba dhana nibarelo vina ali ahinatti olima milima dha nvidera. Mbwenye sabwa ya mareliho a Yehova dhilobodha dhahisadduwa namudhidhiya. Kobuwela ohagalala wana attu mudhidhi wamagilani numba dhawa bagakalamo, miri dhawa badhigavaha misapo, nlogo nawa ttigonuwa!
14 Mavuhulo aba anowiwanana na masaka abano, “ninga enira miri.” Miri dhina dhinokalawo vyaka dhinjene. Attu anelege okalawo vyaka dhinjene. Ninga munlogela Izaiya, awene anele okaana murenddele, mohaganyedha paraizu onele okala elobo yohagalaliha! Mavuhulo aba anele wakwanihedheya-wene!
Nlibelo nikosile Yezu na Paraizu ninakwanihedheya dhavi? (Koona ddima 15, 16)
15. Mareliho gani alogiwe munivuruni na Izaiya?
15 Kobuwela mavuhulo aba amalile ologiwa, anoniha wi musogorho onele okalawo paraizu. Attu otene anakalege mwilaboni anele orurihiwa na Mulugu. Kunakalewo otxutxiwa obe wopiha wa dhinama vina wa atimbwini. Aragali, aliba ohona nabale ahiniwa anele ovulumutxiwa. Attu anele omaga numba dhawa akalegemo vina ajege milima dhawa. Vyaka dha okalawo wawa dhinele winjiva ninga enkalawo miri dha muddebe. Ndde, Bibilia onovaha nikuluvelo nowakwana wi paraizu oli mudila. Mbwenye attu enjene anawaddela iyo malibelo aba, anoona ninga paraizu kanakale velaboni eji ya vati. Txini enfuneya wi wawaddele? Ebaribari enuttukulela weyo orumela wi onele okalawo paraizu velaboni ya vati jivi? Yezu ohivaha nikuluvelo nowakwana.
ONELE OKALA NA MIYO MPARAIZU!
16, 17. Mwalogele Yezu makani a Paraizu waddana mudhidhi gani?
16 Masiki ahikaanaga muladdu Yezu wahitabutxiwa vina wahikomeliwa vapingirhizini na atimbwini eli ofiyedha okwa. Mmodhaya wanziwa wila Yezu Mwene nona ohiloga: ‘Eh Yezu, muddubuwele miyo mwafiya Mumweneni mwenyu.’ (Luka 23:39-42) Njedhelo ninvahile Yezu timbwini oddule ttamusogorho. Mazuya a Yezu anfwanyeya va Luka 23:43. Aziwetxi ena anowika virigula ahinatti oleba nzu ntti “ddabuno” vina anotapulela mazuya: ‘Ddinoddubela, ddabuno onokala na miyo Mparaizu.’ Vahikala moonelo wottiyana sabwa ya vego vowika virigula. Yezu mwalogeliye “ddabuno” moonelo waye wali wuvi?
17 Mwa dhilogelo dhinjene dhovanene virigula dhinlabihedhiwa wila dhinikamihedhe ofwanya moonelo wawakwana wa ddima. Maletra awale alebiwe na elogelo ya Egrego, ponto kadhalabihedhiwa. Koddi iyo ninotikina na mazu aba alogile Yezu wila: ‘Ddinowaddela, ddabuno onele okala na miyo Mparaizuni’? Obe mwalogeliye wi ‘Ddinowaddela ddabuno, onele okala na miyo Mparaizu’? Anamatapulela ena anowika virigula mundduni obe vasogorho va mazu aba “ddabuno” mowiwanana na moonelo wa Yezu, vina weyo
onofwanya moonelo obu wottiyana Mmabibilia a masaka abano.18, 19. Txini enanikamihedhe ononelamo mazu a Yezu?
18 Txino weyo onowubuwela yalogile Yezu na anamafwara aye sabwa ya okwa waye. Iyene wahiloga: “Mwana-Muthu, onamale malabo mararu mathiyu na mutana vati va mathaka.” Owenjedhedha: “Mwana-Muthu oli nena n’operhekiwa mmadani mwa athu. Awene aner’ompa. Siku noraru oner’ovenya mukwani.” (Mateu 12:40; 16:21; 17:22, 23; Marko 10:34) Murumiwi Pedro wahiloga nipadduwo ntti. (Merelo 10:39, 40) Yezu vamodha na timbwini oddule kadhowile Mparaizuni labo nikwile awene. Bibilia onloga wila Yezu wali “mwikuthani” malabo mararu, vasogorhova Mulugu wahinvenyiha mukwani.—Merelo 2:31, 32. * (Koona yowenjedhedha.)
19 Yezu alogaga na timbwini wakomeliwe vapimgirizini olabihedha mazu aba ‘Ddinowaddela ddabuno.’ Mazu aba anlabihedhiwa venjene masaka a Mizé. Mizé wahiloga: “Malamulo aba anuvahani miyo ddabuno, alebeye mmurimani mwenyu.”—Olibiha 6:6; 7:11; 8:1, 19; 30:15.
20. Enonelo yehu jivi mowinana na mazu aba alogile Yezu?
20 Bibilia otapuleliwe epaddi ya Oriente Médio ohiloga: “Akala muttu onowengesa, agafiyedha nzu ntti ‘ddabuno’ onolibiha lizuna ninga motagiha, ‘Ddinowaddela ddabuno, onele okala na miyo Mparaizuni.’ Nipikirhelo ntti kanintonya labona mbwenye ninele wakwanihedheya musogorho.” Yotapulela eji enoladdanihiwa vina na muttu “ompikirhela okosa elobo kahiyo wila onakwaniha nipikirhelo naye labonene.” Mukalelo obu watapuleliwetxa vyaka mazana matunu nsaka na mundduni na akadda Syriac, versu eji: ‘Amem, Miyo ddinowaddela ddabuno wi miyo na weyo ninele okala Mmunddani mwa Edeni.’ Iyo nihikaana nikuluvelo nowakwana na nlibelo ntti.
21. Ekoddile opadduwa na timbwini oddule txini, nanda sabwaya jani?
21 Mwalogile Yezu sabwa ya Paraizu, kiyatapulela paraizu yawirimu. Iyo ninziwa dhavi? Ninoziwa sabwani timbwini oddule kaziwa wila Yezu vamodha na anamafwara aye ottikitteliwa ahikana nipagano na olamululela wirimu. (Luka 22:29) Yologa yina jawi timbwini oddule kabatiziwe. (Joau 3:3-6, 12) Makani aloga Yezu na timbwini oddule ali awi paraizu onakale velaboni ya vati. Vyaka dha musogorho murumiwi Paulo wahonihiwa mulobwana ‘wattukuleliwe mparaizu.’ (2 Korinto 12:1-4) Paulo na anamafwara ena anojedhela odhowa wirimu olamulela na Yezu, mbwenyi apa Paulo waloga paraizu wamusogorho. * (Koona yowenjedhedha.) Paraizuya onakale-wene mwilaboni? Weyo onojedhela okalamo?
TXINI ENFWANYELA WEYO OJEDHELA
22, 23. Njedhelo nawo ttivi?
22 Onowubuwela elogile David mwaha wa mudhidhi onakalege “athu apama velaboni ya vati.” (Masalmo 37:29; 2 Pedro 3:13) David waddana mudhidhi wa musogorho onewelelege attu etene magano oligana a Mulugu. Nivuhulo na Izaiya 65:22 ninloga: “Anere ogonela mwilaboni, ninga enira miri.” Eji enlagiha wi abale animulabela Yehova anerege okalawo vyaka dhohengeseya. Weyo vina ogahiziveliwa okala mwenemo? Ndde, mowinana na nivuru na Ovuhulela 21:1-4, Mulugu onere oreliha nlogo na attu, mareliho mena ba ‘ogomiha okwa.’
23 Makaniya aba a Paraizu, Bibilia onoziwa otapulelamo mowakwana. Adamu na Eva ayelela okala Mparaizu mbwenye paraizuya onere okalawo wili velaboni ya vati. Mulugu ohiroromeliha oreliha nlogo na attu velaboni ya vati. David ohiloga wi aligani anere okalawo na mukalakala velaboni eji ya vati. Nivuru na Izaiya ninokamihedha wona wi musogorho ninele ojavo egumi yohagalala mparaizu velaboni ya vati. Paraizu onadhe mudhidhi gani? Onadhe mudhidhi onakwanihedheye nlibelo nikosile Yezu na timbwini. Jowodheya weyo okala Mparaizu. Mudhidhene obo, anere wakwanihedheya mazu alogile abali na arogora omatugumanoni a ttattamwa: “Ninele wonana Mparaizu!”
^ par. 18 Namasunziha dhahi onkuweliwa C. Marvin Pate ohiloga wila aziwetxi anroromela wila valogile Yezu “ddabuno,” afuna aloge wila kokwa labonene agahidhowa Mparaizu. Namasunziha Pate owenjedhedha wila enattukululela wubuwela dhahene jawi kanrumela dhipaddi dhina dha mBibiliani dhintapulela makaniya. Motagiha, Bibilia onloga wila mukweli Yezu wali Mwikuttani muvenyihedhiwiye wahidhowa wirimu.—Mateu 12:40; Merelo 2:31; Roma 10:7.
^ par. 21 Koona “Mavuzo Ankosa Anamengesa” anologa matibelo mena a makani aba.