Katamela Oziwa Ebaribariya
Niparha na Makaniya
Otanyana ompadduwa akala iyo ninohiziwa deretu ebaribari ya muttuya. Karoma woona dhotagiha esi:
-
Anya enjene a miparha dha mabasa anubuwela wi ayana kana ewodhelo ya olaba mabasa anfuniwana attu oswaga, a zelu vina anna ononelamo winjene.
-
Vyaka dha wale elabo ya Europa, nikuru na akadda Nazi nahamagedha attu a nlogo na Ayuda wi ahika nddibwi mmatxelani vina aharaviha viredda. Masaka alamulela akadda Naziyá Ayudda ahimagedhiwa muladdu mwina. Mbwenye dila eji yanawili, amagedhiwe wi ahitotela oyelega elabo ya Alemanya. Miladdu esi dhihitatamula otanyiwa winjene wa nlogo na Ayuda vina ekalelo eji ehikalawovi ofiyedha ovanene.
-
Attu enjene anubuwela wi abale ahinloga, ahiniwa, ahinona na aragaliya, ahikana ekalelo y’ottiyana na ya attu ena.
Attu abo anofiyedha oromola dhinattukulela wubuwela dhawene. Vina anologa wi abale ahinrumela dhinlogani attu ahinziwa elo.
Txini Dhinloga Bibilia
“Maruru agathabwa, anotota ovonya.” —GANO 19:2.
Eji enttapulela nni? Akala iyo ninokodda ononelamo mwawakwana-mwene ebaribari ya makani anlogiwa, ninogwadda na ovonya. Akala iyo ninorumela na maruru enlogiwa, ninottukuleleya wakona akwihu muvonyani.
Oziwa Ebaribari Ennikamihedha Dhavi?
Iyo nigakana ebaribari mwaha wa muttu onimuziwehu ninele orutxiwa orumela dhotambi dhinlogeliwiye. Vina nigazinddiyela wi dhilogeliwe attu a nikuru ninziwehu kahiyo dhebaribari, ninele otamela venjene osunza ebaribari ya nikuruna.
Txini Enfwanyeliwe Okosa
-
Oziwe wi attu anodha ologa bure mwaha wa nikuru na attu anaziwiwe, mbwenye keliwe wi attu enjiya a nikuruna ntto babure.
-
Kaziwa wi muselu onziwiwe mwaha wa attu abo onodha ohikala wawakwana.
-
Katamela oziwa ebaribariya na attu okuluveleya.
