Malago Ahinvonya
Attu matxikwi na matxikwi ahivirihamo malago alogiwe mwari mwa mitoma dhivirile, bafiyedha orebetta ekalelo ya otanyana wali mmirimani mwawa. Txibarene, enowodheya iyo wurudha otanya oniteya mmirimani mwehu. Koddi otanyana oku onela ogomihiwa okala n’okala-wene?
Namattonga Woligana
Alamuleli a elabo kanwodha ogomiha otanyana wa mmirimani mwa attu. Kuloga kawo mulamuleli onawodhe ogomiha otanyana?
Mulamuleli onfuna ogomiha otanyana, onofwanyela
-
1. Wakokomeza attu osaddulela dhubuwelo dhawa mowiwanana na monelo onawonana awene attu akwawa.
-
2. Ogomiha yubuwelo ya attu yawi, miyo ddinatanya abale andditanya vina.
-
3. Okala mwimeleli ohinimutanya muttu, onattittimiha attu a malogo otene.
-
4. Onwodha wawiwananiha attu a maziza otene.
Bibilia ononikuluveliha wi Mulugu ohimala omusasanyedha mulamuleli ninga oddu. Olamulela oku omkuweliwa, “Omwene wa Mulugu.” —Luka 4:43.
Karoma woona dhinadhena mulamuleli oddu.
1. Masunziho Awinjiva
“Vanathongegenyu elabo na athuyámo, panasunzani enafunana nyuwo.”—IZAIYA 26:9.
“Yeddelo ya attu omyala murima enodhana murenddele, ofwasa wa malabo etene.”—IZAIYA 32:17.
Eji entapulela nni? Omwene wa Mulugu onela wasunziha attu elí yapama. Attu agasunza ottiyaniha obure na opama, oligana na ohiligana, mweddihedho wawa wa waweddihana attu akwawa onosadduwa. Otene anele ozinddiyela wi yofwanyela okosa ja wakwela attu a malogo otene.
2. Ovulumutxa
Mulugu “Oner’okuputha muntori bu muntori wa mmentoni mwawa. Kunakale vina okwa, kutho, obulela, segedho, vowi dhawale dhetedhene dhivira.”—OVUHULELA 21:4.
Eji entapulela nni? Omwene wa Mulugu onela ogomiha maredda otene anatabutxa attu. Abale anaweddiha bure attu masaka abano, kanafwanye mburho wawatxigaga akwawa.
3. Ottonga wa Mulugu
“Kanthonga miladdu na dhinoneya, kangwadda na dhawiwavi. Onowasorhiha ayelegi na murima woligana, onowamelela dhinafwanyelele apujiwi a mwilaboni; onowalata na malamulo angwihiye abale anthonga oka, onowapa avuti na mazu anavudhelela iyene.”—IZAIYA 11: 3, 4.
Eji entapulela nni? Yezu Kristu, Mwene wa Omwene wa Mulugu, onela ottonga n’oligana orugunuwa elabo yotene. Iyene kanttiyaniha malogo, onela weddiha malogo etene n’ekalelo modhene.
4. Wiwanana
Omwene wa Mulugu onosunziha ekalelo ya weddagana “murima mmodhene [na] okwelana wakene.”—FILIPI 2:2.
Eji entapulela nni? Abale analamuleliwege na Omwene wa Mulugu anela woniwana-wene wiwanana. Awene anele wedda kakamwe na “murima mmodha” sabwani anelege okwelagana muttu na mukwaye
